Дар Бадахшон Рӯзи таъсиси Бозрасии давлатии автомобилӣ таҷлил гардид
ДУШАНБЕ, 03.07.2023. /АМИТ «Ховар»/. Имрӯз дар Раёсати Вазорати корҳои дохилӣ дар Вилояти Мухтори Кӯҳистони Бадахшон ба муносибати Рӯзи таъсисёбии Бозрасии давлатии автомобилӣ чорабинии тантанавӣ баргузор гардид, ки дар он кормандони шӯъба ва гурӯҳу бахшҳои Бозрасии давлатии автомобилӣ дар шаҳру ноҳияҳои вилоят иштирок намуданд. Дар ин хусус ба АМИТ «Ховар» дар Раёсати Вазорати корҳои дохилӣ дар Вилояти Мухтори Кӯҳистони Бадахшон хабар доданд.
Доир ба фаъолияти назарраси кормандони Бозрасии давлатии автомобилӣ дар Вилояти Мухтори Кӯҳистони Бадахшон иброз гардид, ки маҳз бо талошу заҳматҳои шабонарӯзии кормандони ин мақомот тартибу низом дар роҳҳои автомобилгарди вилоят ба низоми дуруст дароварда шуда, шумораи садаманокӣ коҳиш ёфтааст.
Тавре таъкид гардид, айни ҳол бо мақсади пурзӯр намудани назорат аз болои ҳаракати воситаҳои нақлиёт, баланд бардоштани интизоми иштирокчиёни ҳаракат дар роҳ ва ба низоми муайян даровардани истифодаи нақлиёти мусофирбар дар шаҳри Хоруғ ва ноҳияҳои вилоят тадбирҳои зиёде андешида, кормандони ин ниҳод дар ин самт фаъолияти назаррасеро аз худ нишон дода истодаанд.
Дар фарҷоми чорабинӣ барои фаъолияти хуби хизматӣ ба як зумра кормандони соҳа дар вилоят аз номи роҳбарияти мақомоти корҳои дохилӣ “Сипоснома” ва “Ифтихорнома” тақдим карда шуданд.
АКС: Раёсати Вазорати корҳои дохилӣ дар Вилояти Мухтори Кӯҳистони Бадахшон
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
