«ТОЗАГИИ ШОҲРОҲ». Дар шаҳри Душанбе иқдоми поксозӣ гузаронида шуд
ДУШАНБЕ, 18.07.2023 /АМИТ «Ховар»/. Соли равон дар ҳудуди ноҳияҳои пойтахт 13 маротиба иқдоми «Тозагии шоҳроҳ» доир гардид, ки дар ҷараёни он 3652 нафар иштирок намуда, дар масофаи 25039 метри мураббаъ шоҳроҳ тоза гашта, дар ҳаҷми 100 метри мукааб партов ҷамъоварӣ ва бароварда шуд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Сарраёсати ҳифзи муҳити зист дар шаҳри Душанбе дар ҳамкории муштарак бо шуъбаи Раёсати экологӣ ва сайёҳии Вазорати корҳои дохилии ҷумҳурӣ дар шаҳри Душанбе бо ба роҳ мондани ташаббусҳои экологӣ ва санҷишҳои фаврӣ ҷиҳати беҳтар намудани ҳавои атмосфера якчанд қонуншиканиро пешгирӣ намуданд.
Тавре АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ иттилоъ медиҳад, дар ин муддат дар ҷараёни иқдоми экологии «Тозагии шоҳроҳ» ва санҷишҳои фаврӣ нисбат ба 4008 нафар ронандагоне, ки ба қоидаҳои амалкунанда дар самти ҳифзи муҳити зист аҳамият надода, бо нақлиёти ифлос дар кӯчаю хиёбонҳои пойтахт ҳаракат мекунанд, тадбирҳои маъмурӣ андешида шуд.
Ҳамзамон нисбат ба ронандагони воситаҳои нақлиёт барои ифлос кардани роҳҳо 7 санад, барои 298 ҳолати аз меъёри муқарраргардида зиёд будани таркиби газҳои коркарди муҳаррики дарунсӯзи воситаҳои нақлиёти автомобилӣ ва 91 ҳолати бе болопӯш интиқол додани маводи пошхӯранда санадҳои ҳуқуқвайронкунии маъмурӣ тартиб дода шуд.
Ҳангоми гузаронидани санҷишҳои муштарак дар дидбонгоҳҳои ба пойтахт воридшаванда аз ҷониби мутахассисон маълум гардид, ки заҳрнокии партови сӯзишвории нақлиёт (СО2) аз меъёр зиёд аст. Аз ин рӯ нисбат ба ронандагон протокол тартиб дода, барои чораҷӯӣ ба мақомоти марбута ирсол гардид.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
