Ҳайати устодон ва кормандони Донишгоҳи миллии Тоҷикистон бо ҷараёни корҳои сохтмонӣ дар Неругоҳи барқи обии «Роғун» шинос шуд

Август 18, 2023 16:10

ДУШАНБЕ, 18.08.2023. /АМИТ «Ховар»/. Бо ташаббуси ректори Донишгоҳи миллии Тоҷикистон, доктори илмҳои иқтисодӣ, профессор Қобилҷон Хушвахтзода сафари ҳайати устодон ва кормандони донишгоҳ ба маҳали сохтмони Неругоҳи барқи обии «Роғун» ташкил карда шуд, хабар доданд ба АМИТ «Ховар» дар донишгоҳи мазкур.

Ҳайати устодону кормандони донишгоҳ бо роҳбарии ректори он Қобилҷон Хушвахтзода бо ҷараёни корҳои сохтмонӣ дар иншооти асосии неругоҳ шинос шуда, бо сохтмончиёни ин иншооти бузурги гидроэнергетикии мамлакат аз наздик суҳбат намуданд.

Бояд гуфт, ки дар майдони сохтмони Неругоҳи барқи обии «Роғун» имрӯзҳо зиёда аз 14 ҳазор нафар коргарон ва кормандони муҳандисиву техникӣ фаъолият доранд, ки шумораи зиёди онҳо коргарони маҳалӣ мебошанд.

Шумораи мошину механизмҳое, ки дар корҳои сохтмонии неругоҳ истифода мешаванд, беш аз 3400 адад мебошад.

Дар айни замон бунёдкорони «Роғун» дар ин арсаи нангу номуси миллӣ бо ҷасорату матонат ва эҳсоси баланди ватандӯстӣ шабонарӯзӣ заҳмат кашида, барои татбиқи дастуру ҳидоятҳои эҳёгар ва бунёдсози иншооти тақдирсози давлат ва миллат-Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз шароиту имконияти мавҷуда самаранок истифода менамоянд ва барои расидан ба истиқлолияти комили энергетикии мамлакат корҳои сохтмониро сарбаландона пеш мебаранд.

Ташкил намудани чунин сафари дастҷамъона ба мавзеи сохтмони иншооти бузурги аср ҳайати устодону кормандони донишгоҳро бо рафти корҳои сохтмонӣ ва умуман неругоҳ аз наздик шинос намуда, барои пешбурди фаъолияти илмию таълимӣ аз тадбирҳои муҳиму саривақтӣ ба ҳисоб меравад.

АКС: Донишгоҳи миллии Тоҷикистон

Август 18, 2023 16:10

Хабарҳои дигари ин бахш

Донишгоҳи байналмилалии забонҳои хориҷии Тоҷикистон ва Донишгоҳи давлатии омӯзгории Бошқирдистон шартномаи ҳамкорӣ ба имзо расониданд
ФАРЗАНДОНРО БА РОҲИ РОСТ ҲИДОЯТ НАМОЕМ! Имрӯз барои илму дониш омӯхтан ва соҳибкасб гардидани онҳо тамоми шароит муҳайё гардидааст
МАРОТИБАИ АВВАЛ. Байни тарбиягирандагони муассисаҳои таҳсилоти томактабии Душанбе озмуни забондонӣ идома дорад
Байни Донишгоҳи давлатии омӯзгории Тоҷикистон ва 7 донишгоҳи олии Узбекистон шартномаи ҳамкорӣ ба имзо расид
Дар Донишгоҳи давлатии ҳуқуқ, бизнес ва сиёсати Тоҷикистон ҳамоиши рушди робототехника доир шуд
БО КВОТАИ «ДУРАХШАНДАГОН»-МАШҲУР ДАР ҶАҲОН. Донишҷӯёни тоҷик бо таҳсили намунавӣ дар рейтинги аввал қарор доранд
Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд
Дар Ашт бинои нави Муассисаи таҳсилоти миёнаи умумии №25 ба истифода дода шуд
ҲАТМӢ ГАРДИДАНИ ЗИНАИ СЕЮМИ ТАҲСИЛ ДАР ТОҶИКИСТОН. Шарҳи АМИТ «Ховар» дар ин мавзуъ