БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Вилояти Мухтори Кӯҳистони Бадахшон 92 корхонаи саноатӣ бунёд мешавад
ДУШАНБЕ, 26.08.2023. /АМИТ «Ховар»/. Ҷиҳати сазовор пешвоз гирифтани ҷашни 35-солагии Истиқлолияти давлатии Ҷумҳурии Тоҷикистон вобаста ба таъсиси коргоҳу корхонаҳои саноатӣ, баланд бардоштани фаъолнокии иқтисодии аҳолӣ ва бунёди инфрасохтори зарурӣ дар чор соли оянда дар ҳудуди Вилояти Мухтори Кӯҳистони Бадахшон сохтмони 92 корхонаи саноатӣ бо 1437 ҷойи нави кор ба нақша гирифта шудааст. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.
Тибқи пешниҳоди раисони шаҳри Хоруғ ва ноҳияҳои вилоят соли 2023 дар вилоят ба истифода додани 29 корхона ва коргоҳи истеҳсолӣ бо 374 ҷойи нави кор дар назар аст.
Таъкид бояд намуд, ки дар арафаи ташрифи навбатии Президенти мамлакат муҳтарам Эмомалӣ Раҳмон ба вилоят (9-10 август) дар шаҳру ноҳияҳо 10 корхонаи нави истеҳсолӣ ба истифода дода шуданд. Инчунин дар соҳаи саноати дорусозӣ ва коркарди гиёҳҳои шифобахши аз ҷиҳати экологӣ тозаи ватанӣ дар вилоят 4 корхонаи дорусозӣ ва коркарди гиёҳҳои шифобахш (коркарди ангат) фаъолият намуда истодаанд. Ҳамзамон дар ҷараёни ташриф аз ҷониби Пешвои миллат муҳтарам Эмомалӣ Раҳмон дар ҳудуди вилоят 23 иншооти муҳими иқтисодию иҷтимоӣ ба фаъолият оғоз намуданд. Ҳамчунин дар ҳошияи ин ташриф боз 45 объекти дигар мавриди истифода қарор гирифт.
Барои таъмини талаботи бозори дохилӣ бо сангҳои бинокорӣ ва дар ояндаи наздик истихроҷ намудан ва то маҳсулоти ниҳоӣ коркард намудани сангҳои ороишӣ дар шаҳру ноҳияҳои вилоят корҳои муайян анҷом дода шуданд. Дар вилоят 11 корхона дар самти истеҳсоли маҳсулоти бинокорӣ ва сангҳои ороишӣ кор менамоянд.
Тазаккур бояд дод, ки давоми 6 моҳи соли равон 94 корхона ва коргоҳи саноатии вилоят тибқи ҳисоботи оморӣ ба маблағи 93 миллиону 223 ҳазор сомонӣ маҳсулот истеҳсол намудаанд, ки нисбат ба ҳамин давраи соли гузашта 3,8 фоиз ё ба маблағи 4 млн сомонӣ зиёд мебошад.
София ШОИК,
АМИТ «Ховар»
АКС: Вилояти Мухтори Кӯҳистони Бадахшон
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
Бахшида ба Рӯзи геология дар Донишкадаи кӯҳию металлургии Тоҷикистон конференсияи байналмилалӣ баргузор гардид
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
«Захираҳои табиии Тоҷикистон дар соҳаи истихроҷи маъдан барои садсолаҳо кофӣ мебошанд», — бардошт аз форуми байналмилалӣ
Беш аз 80 фоизи Барномаи давлатии рушди соҳаи геология амалӣ гардидааст. Эҳдо ба Рӯзи геологҳои Тоҷикистон
Қоҳир Расулзода: «То соли 2030 ҳиссаи соҳаи саноат дар иқтисоди миллии Тоҷикистон то ба 30 фоиз мерасад»
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
