БАХШИДА БА СОЛҲОИ РУШДИ САЙЁҲӢ. Дар ноҳияи Рашт 21 корхонаю коргоҳи саноатӣ сохта мешавад
РАШТ, 08.08.2023 /АМИТ «Ховар»/. Бахшида ба ҷашни бузурги миллӣ-35-солагии Истиқлолияти давлатии Ҷумҳурии Тоҷикистон ва Солҳои рушди саноат (2022-2023) дар ноҳияи Рашт бо дастгирии соҳибкорону сокинони ноҳия бунёд ва ба истифода додани 275 иншооти мухталиф ба нақша гирифта шудааст. Давоми соли 2022 ва 6 моҳи соли равон 88 иншооти таъйиноти гуногун мавриди баҳрабардорӣ қарор дода шуд. Дар 117 иншооти дигар корҳои сохтмонию навсозӣ идома дошта, дар муҳлати муқарраргардида мавриди баҳрабардорӣ қарор дода мешаванд. Чунин иттилоъ дода шуд ба хабарнигорон 5 август зимни нишасти матбуотӣ дар Мақомоти иҷроияи ҳокимияти давлатии ноҳияи Рашт.
Бо мақсади иҷрои фармони Президенти Ҷумҳурии Тоҷикистон «Дар бораи Солҳои рушди саноат эълон намудани солҳои 2022-2026» дар ноҳияи Рашт бо ҷалби соҳибкорон ва шарикони рушд бунёди 21 корхонаю коргоҳи истеҳсолӣ ба нақша гирифта шудааст. Дар ин замина соли 2023 дар ноҳия 5 корхонаю коргоҳи истеҳсолӣ ба истифода дода мешавад. Дар шаш моҳи соли равон ҳаҷми истеҳсоли маҳсулоти саноатӣ ба 17 миллиону 871,2 ҳазор сомонӣ расонида шуд, ки нисбат ба ҳамин давраи соли гузашта 319,3 ҳазор сомонӣ зиёд мебошад.
Ҳамзамон зимни нишасти матбуотӣ гуфта шуд, ки дар ноҳияи Рашт аз ҷониби Муассисаи давлатии Маркази идораи лоиҳаи «Рушди чорводорӣ ва чарогоҳҳо» амалисозии лоиҳаи сармоягузории «Дастгирии соҳаи кишоварзӣ дар заминаи ҷомеа» идома дода мешавад. Ҳамзамон давоми солҳои гузашта 65 мақомоти худфаъолияти ҷамъиятии ноҳия бо 365 техникаи кишоварзӣ ба маблағи 3,3 миллион доллар таъмин шуда, сохтмони 11 хатти оби нӯшокии дигар дар арафаи анҷом қарор дорад.
Субҳониддини МАҲМУД,
АМИТ «Ховар»
АКС: АМИТ «Ховар»
Дар ноҳияи Балҷувон иншооти нави соҳаи маориф бунёд гардид
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
35-СОЛАГИИ ИСТИҚЛОЛИЯТИ ДАВЛАТӢ. Дар шаҳри Хоруғ Маркази стоматологӣ кушода шуд
Дар Хуҷанд якчанд иншооти хизматрасонӣ ба истифода дода шуд
Сарвари давлат Эмомалӣ Раҳмон дар шаҳри Хуҷанд корхонаи «Сайри Суғд»-ро ифтитоҳ намуданд
Пешвои миллат Эмомалӣ Раҳмон дар шаҳри Хуҷанд Маркази нейро-кардию эндоҷарроҳии «Луқмони Ҳаким»-ро мавриди истифода қарор доданд
Дар деҳоти Исфисори ноҳияи Бобоҷон Ғафуров варзишгоҳи бузург бо 7000 ҷойи нишаст ба истифода дода шуд
Дар шаҳри Истаравшан Маркази саломатӣ ба истифода дода шуд
Президенти Тоҷикистон Эмомалӣ Раҳмон дар ноҳияи Бобоҷон Ғафуров Муассисаи давлатии мактаби махсуси варзишӣ оид ба футболро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров корхонаи истеҳсоли пойафзоли ҶДММ «Фароғатбону»-ро ба истифода доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Назар»-ро ифтитоҳ намуданд
Президенти Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли пардаҳои полиэтилении ҶДММ «Технологияи полимерӣ» оғоз бахшиданд
