ФУТЗАЛ. Дастаи «Истиқлол» дар нахустин бозии дӯстона бар «Араз-Нахчивон» пирӯз шуд

ДУШАНБЕ, 17.08.2023 /АМИТ «Ховар»/. Дар нахустин бозии дӯстона байни дастаҳои «Араз-Нахчивон» (Озарбойҷон) ва «Истиқлол» футзалбозони Тоҷикистон пирӯз шуданд. Дар ин хусус АМИТ «Ховар» бо истинод ба сомонаи расмии дастаи «Истиқлол»-и Душанбе хабар медиҳад.

Ин бозӣ, ки дар шаҳри Боку баргузор гардид, бо ҳисоби 5:2 анҷом ёфт. Аз ҳайати “Истиқлол”   Рустам Ҳамидов ба номи худ “хет-трик” сабт намуда, ду голи дигарро Шавкат Халилов ва Комрон Алиев ба нишон расониданд.

Имрӯз, 17 август байни дастаҳо бозии дуюми дӯстона баргузор мегардад.

АКС: «Истиқлол»