ҲИСОББАРОБАРКУНИИ ҒАЙРИНАҚДӢ. Минбаъд маблағи барқ, андозҳо, боҷҳо, ҷаримаҳо ва маблағҳои ҳатмии давлатӣ пурра ба таври ғайринақдӣ қабул карда мешавад

Август 19, 2023 13:40

ҲИСОР, 19.08.2023 /АМИТ «Ховар»/. Филиали КВД «Бонки амонатгузории Ҷумҳурии Тоҷикистон «Амонатбонк» дар шаҳри Ҳисор ба воситаи  18 маркази хизматрасонии бонкӣ, 3 нуқтаи хизматрасонӣ дар бинои Шабакаҳои барқ, Нозироти андоз ва бинои БДА  дар шаҳри Ҳисор, 30 POS-терминал дар  марказҳои савдо ва беморхонаи марказӣ, маркази саломатӣ ва дигар ташкилоту муассисаҳо  ба сокинон хизмат мерасонад. Бонки мазкур ба зиёда аз 47 601 мизоҷ тариқи кортҳои пардохтӣ хизмат мерасонад, ки аз ин шумора 7200 адади он корти фарогир мебошад. Дар самти ҳисоббаробаркунии ғайринақдӣ ба шаҳрвандоне, ки кортҳои пардохтӣ доранд, тавассути замимаи барномаи «Амонатмобайл», барномаи «Фронт-офис» ва барномаи «Интернетбонк» хизмат расонида мешавад.

Мудири филиали КВД «Бонки амонатгузории Ҷумҳурии Тоҷикистон «Амонатбонк» дар шаҳри Ҳисор  Султонмурод Назарзода  ба мухбири минтақавии АМИТ «Ховар» Субҳониддини Маҳмуд иброз дошт, ки «ҷиҳати  иҷрои Фармони Президенти Ҷумҳурии Тоҷикистон муҳтарам Эмомалӣ Раҳмон «Дар бораи тадбирҳои вусъат додани ҳисоббаробаркунии ғайринақдӣ» аз ҷониби кормандони «Амонатбонк» дар шаҳри Ҳисор дар ҳафт моҳи соли равон  дар байни аҳолии деҳот бо кормандони муассисаҳои таълимӣ, тиббӣ, фарҳангӣ ва корхонаву идораҳои шаҳри Ҳисор  корҳои ташвиқотию тарғиботӣ гузаронида шуданд. Мақсад аз баргузории вохӯриҳо-  баланд бардоштани маърифати молиявии  аҳолии шаҳраку деҳот, мутахассисону кормандони ташкилоту идораҳо, корхонаву муассисаҳо ва рушди ҳисоббаробаркунии ғайринақдӣ мебошад».

Шаҳрвандоне, ки корти фарогир надоранд, мутахассисони бонк онҳоро мувофиқи хоҳишашон бо корти бонкӣ таъмин намуда истодаанд.

Ҳамин аст, ки дар шаш моҳи соли 2023  дар филиали №10 «Амонатбонк»-и шаҳри Ҳисор зиёда аз 26 миллиону 540 ҳазору 237  сомонӣ пардохтҳо  тариқи ғайринақдӣ анҷом дода шудаанд.

Ҷиҳати сари вақт амалӣ намудани Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ»  Филиали КВД «Бонки амонатгузории Ҷумҳурии Тоҷикистон «Амонатбонк» дар  шаҳри Ҳисор  тамоми маблағҳои барқ, андозҳо, боҷҳо, ҷаримаҳо ва маблағҳои ҳатмии давлатиро пурра тавассути ғайринақдӣ қабул намуда истодааст.

АКС аз бойгонӣ

Август 19, 2023 13:40

Хабарҳои дигари ин бахш

ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1198 то 0.1220 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.6047 то 9.6500 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1189 то 0.1210 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.5549 то 9.6500 сомонӣ муқаррар шудааст
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.3681 то 9.4300 сомонӣ муқаррар шудааст
Дар Душанбе масъалаҳои омодагӣ ва баргузории ҷаласаи 67-уми Шурои электроэнергетикии ИДМ муҳокима гардид
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
ҚУРБИ АСЪОР: дар Тоҷикистон 1 евро аз 10.9278 то 11.1000 сомонӣ муқаррар шудааст