«МО ВАРЗИШГАРОН БО ПЕШВОИ МИЛЛАТИ ХУД ИФТИХОР ДОРЕМ». Дар шаҳри Душанбе ҳамоиши тантанавӣ доир шуд
ДУШАНБЕ, 11.08.2023. /АМИТ «Ховар»/. Дар доираи Нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Мақомоти иҷроияи ҳокимияти давлатии шаҳри Душанбе дар назди Парчами давлатӣ таҳти унвони «Мо варзишгарон бо Пешвои миллати худ ифтихор дорем» бо ҷалби масъулини соҳа, устодону мураббиён ва варзишгарони шинохтаи мамлакат ҳамоиши тантанавӣ доир гардид, хабар доданд ба АМИТ «Ховар» дар Кумитаи мазкур.
Дар ҷараёни баргузории чорабинии мазкур роҳбарияти Кумитаи кор бо ҷавонон ва варзиш ва роҳбарияти шаҳри Душанбе ҳозиринро ба иди касбиашон шодбош гуфтанд.
Ҳамзамон таваҷҷуҳу ғамхории Ҳукумати мамлакат, хосса Пешвои муаззами миллат муҳтарам Эмомалӣ Раҳмонро нисбат ба ин қишри ҷомеа ёдоварӣ намуданд.
Тазаккур дода шуд, ки тадбирҳои андешидаи Ҳукумати мамлакат дар соҳаи варзиш имкон фароҳам овард, ки дар даврони соҳибистиқлолӣ 6450 маротиба Парчами давлатии Ҷумҳурии Тоҷикистон дар мусобиқаҳои сатҳи байналмилалӣ бо шарофати дастоварди варзишгарони ҷумҳурӣ баланд бардошта шуда, зиёда аз 2000 маротиба Суруди миллӣ ба хотири дастоварди онҳо дар мусобиқаҳои сатҳи байналмилалии дохиливу хориҷӣ садо додааст.
Дар идома намоиши дастовардҳои варзишгарон ба маърази тамошо гузошта шуда, барномаи хуби фарҳангию фароғатӣ бо иштироки сарояндагони шинохтаи мамлакат баргузор гардид.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
