НИШАСТИ МАТБУОТӢ. Агентии назорати давлатии молиявӣ ва мубориза бо коррупсия 169,8 милион сомонӣ зарари молиявӣ ошкор намуд
ДУШАНБЕ, 15.08.2023. /АМИТ «Ховар»/. Соли 2023 мутахассисони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вазорату идораҳо, мақомоти иҷроияи ҳокимияти давлатӣ, марказҳои татбиқи лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 168 тафтишу санҷиши молиявӣ гузаронида, ба маблағи умумии 169,8 милион сомонӣ зарари молиявӣ ошкор намуданд. Дар ин хусус имрӯз зимни нишасти матбуотӣ директори Агентӣ Сулаймон Султонзода ба хабарнигорон иттилоъ дод.
Тазаккур дода шуд, ки тавассути тадбирҳои ошкоршуда аз маблағҳои ошкоршудаи зарар ва дигар тадбирҳои иловагӣ 185,4 миллион сомонӣ ба манфиати давлат барқарор шуд, ки 124,3 миллион сомонии он ба суратҳисобҳои буҷетӣ ва 61,1 миллион сомонӣ ба корхонаву муассисаҳо рост меояд.
Дар шаш моҳи аввали соли 2023 баҳри бартараф намудани омилҳои коррупсионӣ ва шароити ба онҳо мусоидаткунанда бо натиҷаи тафтишу санҷишҳои молиявӣ, таҳқиқ ва тафтиши пешакӣ, ошкорнамоии ҳуқуқвайронкунии маъмурӣ, таҳлили хавфҳои коррупсия ва мониторинги татбиқи санадҳои меъёрии ҳуқуқии дорои хусусияти умумиҳатмӣ ба унвони вазорату идораҳо, мақомоти иҷроияи ҳокимияти давлатӣ ва дигар ташкилоту муассисаҳо дар маҷмуъ 987 дастури хаттӣ ва 1843 пешниҳод ирсол гардид. Тибқи натиҷаи баррасии онҳо 115 нафар аз вазифаҳои ишғолнамуда озод ва нисбат ба 673 нафар ҷазоҳои интизомӣ татбиқ шуданд.
Зарангези ЛАТИФ,
АМИТ «Ховар»
АКС: АМИТ «Ховар»
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
