32-СОЛАГИИ ИСТИҚЛОЛИЯТИ ДАВЛАТӢ. Дар Боғи фарҳангӣ-фароғатии ба номи Садриддин Айнӣ барномаи идонаи ноҳияи Исмоили Сомонӣ доир шуд
ДУШАНБЕ, 07.09.2023. /АМИТ «Ховар»/. Дар Боғи фарҳангӣ-фароғатии ба номи Садриддин Айнӣ бо ташаббуси Мақомоти иҷроияи ҳокимияти давлатии ноҳияи Исмоили Сомонӣ ба муносибати 32-солагии Истиқлолияти давлатии Ҷумҳурии Тоҷикистон барномаи идонаи ҷашнӣ баргузор гардид, ки дар он сокинон ва фаъолони пойтахт иштирок намуданд. Дар ин хусус ба АМИТ «Ховар» дар мақомоти ноҳияи мазкур хабар доданд.
Дар оғози барнома намояндагон бо намоиши дастовардҳои соҳаҳои гуногуни ноҳия шинос шуданд.
Дар ҳамоиши идона таъкид гардид, ки Истиқлолияти давлатӣ барои мо рамзи олии Ватану ватандорӣ, бузургтарин неъмати давлатсозию давлатдории мустақил, кору пайкорҳои пайгиронаи созандагӣ, азму талошҳои фидокоронаи расидан ба истиқлолияти сиёсӣ, иқтисодӣ ва фарҳангиро омӯзонда, меъёрҳои ҷомеаи шаҳрвандиро таҳким бахшид ва дар як вақт ҳаёти озодонаи ҳар фард ва олитарин дараҷаи бахту саодати воқеии миллатро таъмин намуд.
Изҳор шуд, ки яке аз муҳимтарин дастовардҳои мо дар даврони Истиқлолият давлатсозӣ ва давлатдории муосири миллӣ мебошад, ки моҳиятан шакли ҳуқуқбунёд, иҷтимоӣ ва дунявӣ дорад.
Дар ҳамоиш дар баробари масъулин кормандони соҳаи маорифи ноҳияи Исмоили Сомонӣ, соҳаи тандурустӣ, ҳифзи иҷтимоӣ иштирок намуда, намоиши ҳунарҳои мардумиро ташкил намуданд, ки ба сокинону меҳмонони пойтахт писанд омад. Ҳамзамон дар идома ба як зумра фаъолон ва кормандони мақомоти иҷроияи ҳокимияти давлатии ноҳия, ғолибони озмунҳои шаҳрии «Маҳаллаи беҳтарин», «Кӯчаи беҳтарин», «Беҳтарин муассисаи таълимӣ дар самти корҳои ободонӣ» диплому ҷоизаҳо супорида шуданд.
Дар охир барномаи ҷолиби консертии аҳли фарҳанги Мақомоти иҷроияи ҳокимияти давлатии ноҳияи Исмоили Сомонӣ пешниҳод гардид.
АКС: Мақомоти иҷроияи ҳокимияти давлатии ноҳияи Исмоили Сомонӣ
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
