Ҷамолиддин Абдуллозода дар якчанд ҷаласаи сатҳи баланди СММ оид ба масъалаҳои тандурустӣ иштирок намуд

Сентябрь 25, 2023 16:28

ДУШАНБЕ, 25.09.2023. /АМИТ «Ховар»/. Аз 18 то 24 сентябр Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода дар шаҳри Ню-Йорки Иёлоти Муттаҳидаи Амрико дар ҷаласаҳои Созмони Милали Муттаҳид (СММ) оид ба масъалаҳои тандурустӣ иштирок ва суханронӣ намуд.  Дар ин хусус ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.

Зимни иштирок ва суханронӣ дар ҷаласаи корӣ оид ба фарогирии умумии тиббӣ Вазири тандурустӣ ва ҳифзи иҷтимоии аҳолии мамлакат иброз дошт, ки масъалаҳои дастрасии аҳолӣ ба хизматрасонии тиббӣ дар Тоҷикистон дар Стратегияи миллии рушди Ҷумҳурии Тоҷикистон барои давраи то соли 2030 ва Стратегияи ҳифзи саломатии аҳолии Ҷумҳурии Тоҷикистон барои давраи то соли 2030 инъикос ёфтаанд.

Аз ҷумла, стратегияҳои мазкур ба баланд бардоштани баробарӣ ва самаранокии соҳаи тандурустӣ тавассути ташкили низоми ягонаи пардохткунанда, ҷорӣ намудани механизмҳои нави пардохти хизматрасонӣ нигаронида шудаанд. Ҳарчанд якчанд бахшҳои ҳуҷҷатҳои мазкур аллакай амалӣ шудаанд, аммо ислоҳоти маблағгузории соҳаи тандурустӣ ва таҷдиди сохтор дар ин самт ҳоло низ идома дорад.

То имрӯз бо мақсади пурзӯр намудани Барномаи амалкунандаи кафолати давлатии таъмини аҳолӣ бо хизматрасонии тиббӣ категорияи имтиёзҳо барои табақаҳои камбизоат муайян шудааст.

Ҳамзамон Ҷамолиддин Абдуллозода дар ҷаласаи ниҳодии  СММ доир ба мубориза бар зидди бемории сил иштирок ва суханронӣ намуд.

Аз ҷумла, мавсуф иброз дошт, ки давоми солҳои охир дар Тоҷикистон сатҳи гирифторӣ ва фавти шаҳрвандон аз бемории сил бамаротиб коҳиш ёфта, дар ин баробар тадбирҳо барои пешгирӣ ва табобати ин беморӣ дар мамлакат боз ҳам пурзӯр шудаанд.

Яке аз самтҳои муҳими мубориза бо бемории сил- ин сари вақт ошкор ва пешгирӣ  намудани беморӣ   мебошад. Ҷумҳурии Тоҷикистон дар ин самт тавассути татбиқи стратегияҳо ба пешравиҳои назаррас ноил гардид. Дар мамлакат таҷҳизоти ҳозиразамони сайёри рақамии рентгенӣ барои ошкор сохтани бемории сил мавриди истифода қарор доранд.

Барои баланд бардоштани самаранокӣ ва дақиқии ташхиси бемории сил дар Тоҷикистон технологияҳои инноватсионӣ ҷорӣ шудаанд. Ҳамзамон ҷорӣ намудани технологияи GeneXpert, ки як воситаи ташхиси молекулавӣ дар самти ташхиси бемории сил ба шумор меравад, дар давлати мо мавриди амал қарор дорад. Ин усули боэътимод имкон медиҳад, ки бемории сил ва шаклҳои ба дору тобовар ошкор ва табобати бемор сари вақт оғоз шавад.

Дар идома вазир доир ба дигар паҳлуҳои вазъи бемории сил дар Тоҷикистон, ҳамкорӣ дар ин самт бо шарикон оид ба ҳозирин маълумоти мухтасар пешниҳод намуд.

Ҷамолиддин Абдуллозода дар шаҳри Ню-Йорки Иёлоти Муттаҳидаи Амрико инчунин дар ҷаласаи СММ оид ба пешгирӣ, омодагӣ ва вокуниш ба пандемия иштирок намуда, доир ба таҷрибаи Ҷумҳурии Тоҷикистон дар мубориза ба бемории сироятии коронавирус ва қадамҳои минбаъда дар самти пешгирии он, омодагӣ ва вокуниш дар доираи татбиқи Қоидаҳои байналмилалии тандурустӣ сухан гуфт.

АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Сентябрь 25, 2023 16:28

Хабарҳои дигари ин бахш

Дар Душанбе Мактаби химикони давлатҳои Иттиҳоди Давлатҳои Мустақил мегузарад
Раиси вилояти Хатлон бо ҷараёни корҳои навсозии Мадрасаи Хоҷа Машҳад шинос шуд
СОЛҲОИ РУШДИ САНОАТ. Коргоҳи дӯзандагии Литсеи касбӣ- техникии ноҳияи Шуғнон хонандагонро бо либоси мактабӣ таъмин менамояд
Дар Душанбе протоколи ҷаласаи дувоздаҳуми Комиссияи муштараки Тоҷикистон ва Туркманистон ба имзо расид
Довталаби 83-солаи озмуни ««Тоҷикон»-оинаи таърихи миллат» Маъқула Ҳакимова: «Мо, калонсолон бояд дар хондану дўст доштани китоб барои насли ояндасоз намуна бошем»
Пешвои миллат Эмомалӣ Раҳмон дар ҷаласаи XXIII Шурои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ иштирок намуданд
Сафири Тоҷикистон ба Президенти Конфедератсияи Швейтсария эътимоднома супорид
Дар доираи Барномаи индикативии Иттиҳоди Аврупо барои солҳои 2021- 2024 ба самтҳои афзалиятноки Тоҷикистон 91 миллион евро равона мегардад
Дар Душанбе бо вакилони Маҷлиси қонунгузории вилояти Свердловски Федератсияи Русия мулоқот доир гардид
«ТОҶИКИСТОН-ПЕШОҲАНГИ МАСОИЛИ ҲИФЗИ ПИРЯХҲО ДАР ҶАҲОН». Дар ин мавзуъ машғулияти омӯзишӣ гузаронида шуд
Дар вилояти Суғд Фестивал-намоиши чорвои зотӣ доир гардид
«ТОҶИКОН»-ОИНАИ ТАЪРИХИ МИЛЛАТ». Дониши довталабони ин озмун дар доираи 100 хол баҳогузорӣ мешавад