Дар шаҳри Кӯлоб ҷаласаи аъзои Ситоди вилоятӣ оид ба ҷалби ҷавонон ба сафи Қувваҳои Мусаллаҳ доир шуд
ДУШАНБЕ, 23.09.2023. /АМИТ «Ховар»/. 21 сентябр дар шаҳри Кӯлоб ҷаласаи аъзои Ситоди вилоятӣ оид ба ҷалб намудани ҷавонон ба сафи Қувваҳои Мусаллаҳи Ҷумҳурии Тоҷикистон баргузор шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Кӯлоб хабар доданд.
Таъкид шуд, ки нақшаи чорабиниҳои мақомоти иҷроияи ҳокимияти давлатии шаҳр оид ба омодагӣ, дар сатҳи баланд ва пеш аз муҳлат ҷалб намудани ҷавонон ба сафи Қувваҳои Мусаллаҳи Ҷумҳурии Тоҷикистон ба тавсиб расида, ҳамзамон гурӯҳҳои корӣ таъсис ёфтаанд, ки ба онҳо шахсони обрӯманд, донишманд, кордону ташаббускор ва масъулиятшинос шомил гардидаанд.
Тазаккур дода шуд, ки имрӯзҳо аз ҷониби гурӯҳҳои корӣ дар тамоми ҷамоатҳои шаҳру деҳоти Кӯлоб, ташкилоту муассисаҳо ва муассисаҳои таълимӣ вохӯриҳо идома дошта, дар онҳо дастовардҳои Истиқлолияти давлатии Ҷумҳурии Тоҷикистон, Қонуни Ҷумҳурии Тоҷикистон “Дар бораи тарбияи ватандӯстии шаҳрвандон”, бедор намудани ҳисси худшиносию худогоҳӣ, дар замири наврасону ҷавонон бедор намудани ифтихори ватандӯстӣ ва арҷ гузоштан ба муқаддасоти миллӣ таъкид мегарданд.
Тибқи нақшаи чорабиниҳо, бояд ҷавонон, аз ҷумла хонандагони муассисаҳои таълимӣ барои шиносоӣ бо шароити буду боши хизматчиёни ҳарбӣ ба қисмҳои низомӣ ҷалб шаванд.
Тазаккур дода шуд, ки ҳар шаҳрванд ва ҳар роҳбари ташкилоту муассиса, новобаста аз шакли моликият бояд бо ҳисси баланди ватандӯстӣ ҷиҳати ҷалб намудани ҷавонон ба сафи Қувваҳои Мусаллаҳи Ҷумҳурии Тоҷикистон ба ин маъракаи муҳими сиёсӣ ҳамроҳ шавад.
«Агар мо масъулияти ватансозӣ, ифтихори ватандӯстӣ ва ҳисси баланди худшиносӣ дошта бошем, метавонем ин маъракаи муҳими сиёсиро дар сатҳи баланди ташкилию сиёсӣ ва фарҳангӣ гузаронем. Ин танҳо аз мо иродаи мустаҳкам ва масъулияти баланд тақозо менамояд», -изҳор доштанд иштирокчиёни ҳамоиш.
АКС: Мақомоти иҷроияи ҳокимияти давлатии шаҳри Кӯлоб
Ҳабибулло Воҳидзода дар ҷаласаи 36-уми Шурои ҳамоҳангсозии прокурорҳои генералии кишварҳои аъзои ИДМ иштирок намуд
Дар Душанбе ҷаласаи навбатии Шурои вазирони корҳои дохилии давлатҳои аъзои ИДМ доир мегардад
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
