Дар шаҳри Турсунзода 32-солагии Истиқлолияти давлатӣ бо иштироки меҳмонон аз Узбекистон таҷлил шуд
ДУШАНБЕ, 08.09.2023 /АМИТ «Ховар»/. 7 сентябр дар шаҳри Турсунзода 32-солагии Истиқлолияти давлатии Ҷумҳурии Тоҷикистон бо шукуҳу шаҳомати хос таҷлил шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода иттилоъ доданд.
Дар ҷамъомад роҳбарияти Мақомоти иҷроияи ҳокимияти давлатии шаҳри Турсунзода, аҳли зиёю фаъолони ҷомеа, намояндагони касбу кори гуногун ва меҳмонон аз Ҷумҳурии Узбекистон иштирок намуданд.
Таъкид гардид, ки истиқлолият муқаддастарину азизтарин неъмат, рамзи саодат ва асолати миллат арзёбӣ шуда, ба шарофати ин рӯйдоди бузурги таърихӣ халқи тоҷик соҳиби рамзҳои давлатӣ — Парчам, Нишон, Суруди миллӣ ва Конститутсия гардид. Истиқлолияти давлатӣ инчунин ҳувияти миллии мардуми тоҷикро ба зинаи комилан нав бароварда, барои тақвияту густариш пайдо намудани ваҳдати тамоми сокинони Тоҷикистон заминаи пойдор фароҳам овард.
Иброз гардид, ки асоси дастоварду пешравиҳои мо аз ташриф ва ҳидояту дастуру супоришҳои созандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳри Турсунзода сарчашма гирифта, барои расидан ба натиҷаҳои назаррас ба ҳар сокини шаҳр илҳоми тоза бахшидааст.
Пас аз маросими ифтитоҳ барномаи фарҳангии ҳунармандони шаҳр пешкаши иштирокчиён гардонида шуд.
Бояд гуфт, ки 7 сентябр ҳамчунин бахшида ба 32-солагии Истиқлолияти давлатӣ дар шаҳри Турсунзода якчанд иншооти ҷашнӣ, аз ҷумла синфхонаи иловагӣ барои 240 нафар дар ду баст дар Муассисаи таҳсилоти миёнаи умумии рақами 71, синфхонаи иловагӣ барои 240 нафар дар ду баст дар Муассисаи таҳсилоти миёнаи умумии рақами 31 ва толори варзишӣ дар деҳаи Ширкенти Ҷамоати деҳоти Работ ба истифода дода шуд.
Ёдовар мешавем, ки имсол тоҷикистониён 32-солагии Истиқлолияти давлатиро таҷлил менамоянд. Бахшида ба ин ҷашни умумимиллӣ дар тамоми шаҳру ноҳияҳои мамлакат барномаҳои фарҳангию фароғатӣ пешбинӣ шудаанд.
АКС: Мақомоти иҷроияи ҳокимияти давлатии шаҳри Турсунзода
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар варзишгоҳи шаҳри Хуҷанд ба ифтихори ҷашни 35–солагии Истиқлоли давлатӣ
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
Пешвои миллат: «Ба истиқболи ҷашни 35-солагии Истиқлоли давлатӣ дар вилояти Суғд 15 ҳазору 400 иншоот бунёд ва навсозӣ гардид»
Президенти Тоҷикистон: «Шумораи корхонаҳои саноатӣ дар Суғд дар солҳои соҳибистиқлолӣ 11 баробар афзоиш ёфт»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот бо роҳбарону фаъолони вилояти Суғд ба ифтихори ҷашни 35-солагии истиқлоли давлатии Ҷумҳурии Тоҷикистон
Пешвои миллат Эмомалӣ Раҳмон бо роҳбарону фаъолони вилояти Суғд мулоқот намуданд
Ба ифтихори 35-солагии Истиқлоли давлатӣ дар Ёвон 649 иншооти гуногун ба истифода дода шуд
