Намояндаи Тоҷикистон дар машварати нахустини вазирони кишоварзии Осиёи Марказӣ – Чин иштирок намуд
ДУШАНБЕ, 25.09.2023. /АМИТ «Ховар»/. Дар ҳошияи Намоишгоҳи 30-юми байналмилалии маҳсулоти кишоварзии Янлин ва Форуми байналмилалии сатҳи баланд доир ба муҳофизати солимии хок 19 сентябр машварати нахустини вазирони кишоварзии давлатҳои Осиёи Марказӣ – Чин баргузор гардид, ки дар он Вазири кишоварзии Ҷумҳурии Тоҷикистон Қурбон Ҳакимзода иштирок ва суханронӣ намуд. Дар ин хусус ба АМИТ «Ховар» дар Вазорати кишоварзии ҷумҳурӣ хабар доданд.
Дар машварат вазирони кишоварзии Чин, Тоҷикистон, Узбекистон, Қирғизистон, муовини якуми вазири кишоварзии Ҷумҳурии Қазоқистон ва Сафири Фавқулода ва Мухтори Туркманистон дар Чин иштирок намуданд.
Дар нишасти машваратӣ ҷонибҳо муҳимияти масъалаҳои фароҳам овардани шароит барои таъмини амнияти озуқавории аҳолӣ дар минтақа, беҳтар намудани сифати маҳсулоти ғизоӣ дар давлатҳои минтақаи Осиёи Марказӣ-Чин, рушди деҳот, пешгирии тағйирёбии иқлим ва вайроншавии таркиби хок, хушксолӣ, истифодаи самараноки захираҳои обӣ ва истифодаи оқилонаи захираҳои табииро баррасӣ намуданд.
Ҳамзамон иштирокдорон ҷиҳати тақвияти ҳамкории минбаъда дар соҳаҳои растанипарварӣ, механиконии кишоварзӣ, гузариш ба кишоварзии сабз, кишоварзии рақамӣ, табодули таҷриба ва такмили ихтисоси кормандони комплекси агросаноатӣ, ташкили паркҳои технологии зироаткорӣ, техникаи кишоварзӣ, коркард ва бастубанди маҳсулоти кишоварзӣ ва беҳтар намудани ҳамкории илмӣ ибрози андеша намуданд.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
Сохтмони зеристгоҳи барқии 110/10 кВ-и Варзишгоҳи миллӣ босуръат идома дорад
Дар нахустин Форуми маъданҳои муҳими Тоҷикистону Корея дар Сеул иқтидори маъдании Тоҷикистон муаррифӣ гардид
«КАРТОТЕКА». Вазорати нақлиёти Тоҷикистон ба низоми нави рақамии баҳисобгирии маблағу воситаҳо мегузарад
Дар шаш моҳ беш аз 930 ҳазор сайёҳи дохилию хориҷӣ мавзеъҳои сайёҳии Хатлонро тамошо намуданд
НИШАСТИ МАТБУОТӢ. Дар ноҳияи Лахш дар 8061 гектар зироати кишоварзӣ кишт карда шуд
Дар Душанбе нахустин Форум ва намоишгоҳи байналмилалии саноати хӯрокворӣ—«Тоҷикистон-2026» доир мегардад
Дар доираи Форуми маъданҳои муҳими Тоҷикистону Корея дар Сеул ҳайатҳои ду давлат вохӯрӣ анҷом доданд
Дар Хатлон ҳаҷми маҳсулоти кишоварзӣ ба беш аз 17,1 миллиард сомонӣ расонида шуд
