Прокуратураи генералии Тоҷикистон ва Гвардияи миллии Вазорати корҳои дохилии Испания ояндаи наздик ёддошти тафоҳум ба имзо мерасонанд
ДУШАНБЕ, 20.09.2023. /АМИТ «Ховар»/. 19-20 сентябри соли 2023 Прокурори генералии Ҷумҳурии Тоҷикистон Юсуф Раҳмон дар шаҳри Мадрид бо роҳбарияти Прокуратураи генералӣ, Вазорати адлия ва Гвардияи миллии Вазорати корҳои дохилии Шоҳигарии Испания вохӯриҳо анҷом дод. Дар ин хусус ба АМИТ «Ховар» дар Прокуратураи генералии ҷумҳурӣ хабар доданд.
Дар рафти вохӯриҳо масъалаҳои муқовимати муштарак ба терроризм ва экстремизм, киберҷиноятҳо, муомилоти ғайриқонунии воситаҳои нашъадор, дастгир ва истирдод намудани ҷинояткорон, расонидани ёрии ҳуқуқӣ оид ба парвандаҳои ҷиноятӣ ва дигар масъалаҳои мубрами ҳуқуқӣ баррасӣ гардиданд.
Бояд гуфт, ки Гвардияи миллии Вазорати корҳои дохилии Шоҳигарии Испания мақоми ваколатдори давлатии Испания дар муқовимат ба экстремизм ва терроризм буда, мубодилаи маълумоти фаврӣ ва ҳамкории байналмилалӣ дар самти муайян намудани хатару таҳдидҳои терроризми байналмилалӣ ба уҳдаи ин мақом вогузор шудааст.
Аз ин рӯ, ба мувофиқа расида шуд, ки байни Прокуратураи генералии Ҷумҳурии Тоҷикистон ва Гвардияи миллии Вазорати корҳои дохилии Шоҳигарии Испания дар наздиктарин фурсат дар хусуси истифодаи муштараки иқтидори Маркази ягонаи иттилоотӣ оид ба пешгирии экстремизм, терроризм ва киберҷиноятҳои Прокуратураи генералии Ҷумҳурии Тоҷикистон ёддошти тафоҳум ба имзо расонида шавад.
АКС аз бойгонӣ
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
