ТАХТИ САНГИН. Гурӯҳи коршиносону мутахассисон ва рӯзноманигорон бо ин ёдгории таърихиву фарҳангӣ аз наздик шинос шуданд
ДУШАНБЕ, 07.09.2023. /АМИТ «Ховар»/. Имрӯз бо ташаббуси Вазорати фарҳанги Ҷумҳурии Тоҷикистон бахшида ба ҷашни 2500-солагии шаҳристони Тахти Сангин як гурӯҳ коршиносону мутахассисон ва намояндагони воситаҳои ахбори оммаи ватанӣ бо ин ёдгории таърихиву фарҳангӣ шинос шуданд, иттилоъ медиҳад хабарнигори АМИТ «Ховар» аз макони ин ёдгорӣ.
Нахуст рӯзноманигорон бо роҳбарии муовини Вазири фарҳанг Манучеҳр Шарифзода ба Мақомоти иҷроияи ҳокимияти давлатии ноҳияи Қубодиён ворид гардида, бо роҳбарияти он вохӯрӣ намуданд. Зимни вохӯрӣ доир ба ҷараёни корҳо дар шаҳраки қадимаи Тахти Сангин ва ободониву созандагӣ дар ноҳияи Қубодиён маълумот дода шуд.
Сипас бо Осорхонаи таърихии кишваршиносии ноҳия, ки дар онҷо бозёфтҳои нодири шаҳраки қадимаи Тахти Сангин нигоҳ дошта шудаанд, шинос шуданд.
Бояд гуфт, ки моҳи сентябри соли равон дар мамлакат 2500-солагии Тахти Сангин таҷлил мешавад. Тибқи иттилои масъулин, оид ба таҳия ва пешниҳоди рамзи 2500-солагии шаҳристони Тахти Сангин озмун гузаронида шуда, албоми бозёфтҳо ва раванди корҳои ҳафриёти ин ёдгории таърихию фарҳангӣ чоп хоҳад шуд. Ҳамзамон дар назар аст, ки соли равон дар ин ёдгорӣ корҳои ҳафриётӣ-тадқиқотӣ зиёд ва китоби «Тахти Сангин дар таърихи Осиёи Марказӣ» таҳия ва чоп гардад.
Бояд тазаккур дод, ки соли равон баргузории намоиши «Тахти Сангин — ёдгории фарҳангии антиқии Тоҷикистон» дар назар дошта шуда, моҳи октябри соли 2023 бо ташаббуси Академияи миллии илмҳои Тоҷикистон таҳти унвони «Тахти Сангин — намоди омезиши тамаддуни Шарқу Ғарб» Симпозиуми байналмилалии илмӣ доир мегардад.
Ёдовар мешавем, ки 11 ноябри соли 2021 зимни ҷаласаи 41-уми Конфронси генералии ЮНЕСКО тибқи тавсияи Шурои иҷроияи ЮНЕСКО ва қарори 41 C/15 Конфронси генералӣ номинаи Тоҷикистон оид ба 2500-солагии шаҳраки қадимаи Тахти Сангин ба Феҳристи ҷашнвораҳои ЮНЕСКО барои таҷлил дар солҳои 2022-2023 ворид гардид.
Зарангези ЛАТИФ,
АМИТ «Ховар»,
Душанбе-Қубодиён
АКС: АМИТ «Ховар»
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
