«ТИЛЛОИ САФЕД». Дар вилояти Хатлон беш аз 93 ҳазор тонна пахта ҷамъоварӣ шуд

ДУШАНБЕ, 25.09.2023. /АМИТ «Ховар»/. Дар шаҳру ноҳияҳои пахтакори вилояти Хатлон соли равон хоҷагиҳои кишоварзӣ дар майдони 123 251 гектар чигит  кишт намудаанд, ки ба ҳолати 22 сентябр 93 045 тонна пахта ҷамъоварӣ шудааст. Дар ин хусус ба АМИТ «Ховар»  дар вазорати  кишоварзӣ иттилоъ дода шуд.

Тавре дар Вазорати кишоварзии ҷумҳурӣ ба АМИТ «Ховар» хабар доданд, 23-24 сентябр ҳайати роҳбарии вазорат ва дигар шахсони мутасаддӣ бо мақсади шиносоӣ бо ҷараёни ҷамъоварии пахта, шолӣ, истифодаи самараноки гармхонаҳо, нашъунамои зироат ва маъракаи кишти сабзавоти барвақтӣ ба шаҳри Бохтар, ноҳияҳои Кушониён, Ҷ.Балхӣ, Дӯстӣ, Ҷайҳун, А.Ҷомӣ ва Ёвон сафари корӣ анҷом доданд.

Имрӯзҳо дар тамоми шаҳру ноҳияҳои пахтакори вилояти Хатлон ҷамъоварии  пахта бо маром идома дорад. Тибқи дурнамо, дар вилоят то охири мавсим бояд 287 900 тонна пахта ҷамъоварӣ карда шавад.

АКС: Маркази матбуот ва иттилооти Вазорати кишоварзии Ҷумҳурии Тоҷикистон