БА МАРДУМИ БЕНАНГ ВАТАН ҲАЙФ АСТ!». Таҳти ин унвон дар Коллеҷи ҷумҳуриявии ҳунарҳои мардумии шаҳри Истаравшан ҳамоиш доир гардид

Октябрь 14, 2023 17:18

СУҒД, 14.10.2023 /АМИТ «Ховар»/. Дар Муассисаи давлатии таълимии Коллеҷи ҷумҳуриявии ҳунарҳои мардумии шаҳри Истаравшан бо мақсади боз ҳам ҷоннок намудани корҳои фаҳмондадиҳӣ бобати пешгирӣ  намудани шомилшавии ҷавонон ба ҳар гуна ҳизбу ҳаракатҳои ифротгароӣ, мубориза бо  экстремизиму  терроризим ҳамоиши омӯзгорон-ҳунармандон ва донишҷӯёни муассиса таҳти унвони  «Ба мардуми бенанг Ватан ҳайф аст!» баргузор гардид. Дар ин хусус ба мухбири минтақавии АМИТ  «Ховар»  Саъдулло Маҳкамов дар ин муассиса  хабар доданд.

Ҳамоиш бо тарғибу тараннуми сулҳу ваҳдат, ободиву корҳои созандагӣ, намоиши роликҳои тарғиботиву ташвиқотӣ бобати пешгирии шомилшавии ҷавонон ба ҳар гуна ҳизбу ҳаракатҳои ифротӣ ва мубориза бо экстрамизиму  терроризим аз ҷониби баромадкунандагону иштирокчиён бо мубодилаи афкор ҷараён гирифт.

Таъкид гардид, ки Истиқлолияти давлатӣ  неъмати бебаҳо буда, барои миллати мо баъди ҳазорсолаҳо,  дар интиҳои асри гузашта насиб гардид, ки соҳиби давлати соҳибихтиёр шаванд. Имрӯз он чун ҷавони қадрас парастишу парвариш, таваҷҷуҳу эътибори доимиву пайваста, муҳаббату садоқат, вафодориву дӯстдорӣ, ҳушёриву зиракии аҳли ҷомеаи мамлакатро тақозо дорад. “Аз ин ру, ҷавонони мо набояд фирефтаи баъзе аз нафарони носипос гашта, нисбат ба Ватан ва миллати хеш амалҳои номатлубро раво бинад. Тавре Асосгузори сулҳу ваҳдати миллӣ-Пешвои миллат, Президенти мамлакат муҳтарам Эмомалӣ Раҳмон пайваста таъкид менамоянд: «Ватанамонро дўст дорем, соҳибию обод кунем ва зиндагии шоистаро дар он бароямон таъмин намоем»”-гуфта шуд дар ҳамоиш.

АКС: Коллеҷи ҷумҳуриявии ҳунарҳои мардумии шаҳри Истаравшан

Октябрь 14, 2023 17:18

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст