Дар «Боғи Ғалаба»-и шаҳри Душанбе саёҳати оммавии экологӣ баргузор гардид
ДУШАНБЕ, 23.10.2023. /АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Душанбе дар Муассисаи давлатии «Боғи Ғалаба» ва нигоҳдории ҷангал»-и пойтахт аксия ва саёҳати оммавии экологӣ баргузор гардид. Дар ин хусус ба АМИТ «Ховар» дар шуъбаи иттилоотии дастгоҳи Раиси шаҳри Душанбе хабар доданд.
Ин ташаббус дар доираи амалигардонии Стратегияи рушди сайёҳӣ дар Ҷумҳурии Тоҷикистон барои давраи то соли 2030 ва Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037 баргузор шуд.
Зимни баргузории ташаббуси экологӣ иштирокчиён аввал ҳудуди «Боғи Ғалаба»-ро аз партовҳои пластикӣ ва полиэтиленӣ тоза намуданд. Дар идома аз ҷониби мутахассисони соҳаи кӯҳнавардӣ бо иштирокчиён вобаста ба қоидаҳои сайёҳати экологию кӯҳгардӣ ва истифодаи воситаю таҷҳизоти сайёҳат дар шароити кӯҳсор машғулияти омӯзишӣ-амалӣ гузаронида шуд.
Ҳамчунин иштирокчиён зимни саёҳати экологӣ бо табиати зебо ва маконҳои тамошобоби «Боғи Ғалаба» шинос шуда, ба бозиҳои гуногуни шавқовари варзишию саёҳатӣ машғул гардиданд.
Тазаккур дода шуд, ки солҳои охир бо ташаббуси шаҳрдорӣ баҳри табдил додани шаҳри Душанбе ба шаҳри сабз ва аз ҷиҳати экологӣ тоза тадбирҳои назаррас амалӣ мегарданд. Бунёди боғу гулгаштҳо, шинонидани гулҳои мавсимӣ ва доимамалкунанда ва табдил додани нақлиёти ҷамъиятии пойтахт ба нақлиёти барқӣ далели ин гуфтаҳо мебошанд.
АКС: Шуъбаи иттилоотии дастгоҳи Раиси шаҳри Душанбе
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
