Дар Мактаб-интернати ноҳияи Шамсиддини Шоҳин оид ба пешгирии хатари офатҳои табиӣ машқҳои мудофиаи гражданӣ гузаронида шуданд
ДУШАНБЕ, 10.10.2023 /АМИТ «Ховар»/. Бахшида ба Рӯзи байналмилалии коҳиши хатари офатҳои табиӣ, ки ҳамасола 13 октябр гузаронида мешавад, дар Мактаб-интернати №13 барои кӯдакони лаёқатманд ва ятими ноҳияи Шамсиддини Шоҳини вилояти Хатлон аз ҷониби кормандони Раёсати Кумитаи ҳолатҳои фавқулода ва мудофиаи гражданӣ дар ин ноҳия дар якҷоягӣ бо шарикони байналмилалӣ машқҳои мудофиаи гражданӣ гузаронида шуданд. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Зимни омӯзиши намоишӣ кормандони Кумита шароити ба воқеият наздик фароҳам оварданд. Иштирокчиён ба воҳима дода нашуда, калонсолону кӯдакон сари вақт аз бино берун шуданд. Наҷотдиҳандагони Раёсати байниноҳиявии Кумита дар минтақаи Кӯлоби ноҳияҳои Кӯлоб, ки ба ҷои ҳодиса ҳозир шуда буданд, донишҷӯеро, ки дар синфхона монда буд, аз минтақаи «хатарнок» берун оварданд.
Санҷиши амалии нақшаи тахлия мувофиқи чашмдошт гузашт — мактаббачагон дар гурӯҳҳои муташаккил таҳти роҳбарии муаллимон биноро тарк намуданд. Вақте ки тамоми иштирокчиёни чорабинӣ дар варзишгоҳ ҷамъ омаданд, наҷотдиҳандагон барои мактаббачагон оид ба наҷоти одамон аз бино машқҳои намоишӣ гузарониданд. Вохӯрӣ дар толори маҷлиси мактаб идома ёфт.
Дар муколама кормандони шуъбаи байниноҳиявии Кумита, хадамоти оташнишонӣ ва табибон иштирок варзиданд.
Сардори Раёсати Кумита дар ноҳияи Шамсиддини Шоҳин натиҷаи омӯзишро ҷамъбаст намуда, аҳамияти баргузории чунин омӯзишҳоро таъкид намуда, таваҷҷуҳи ҳозиринро ба зарурати омӯзонидани насли наврас ҷалб намуд.
Наҷотдиҳандагон бовар доранд, ки чорабиниҳо оид ба амалиёти фаврӣ дар ҳолатҳои фавқулода дониш ва малакаҳои амалӣ фароҳам меоранд, зеро онҳо дар сурати таҳдиди воқеӣ на танҳо ба арзёбии дурусти дараҷаи хатар, балки пешгирии оқибатҳои фоҷиавӣ низ мусоидат менамоянд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
