Дар Тоҷикистон то охири соли 2023 68 номгӯй китобҳои дарсӣ ба нашр мерасанд
ДУШАНБЕ, 21.10.2023. /АМИТ «Ховар»/. То охири соли 2023 68 номгӯй китобҳои дарсӣ бо теъдоди умумии 2 миллиону 917 ҳазор нусха чоп мешаванд. Дар ин хусус ба АМИТ «Ховар» дар Маркази таҳия, нашр ва муомилоти китобҳои дарсӣ, илмию методии Вазорати маориф ва илми Ҷумҳурии Тоҷикистон хабар доданд.
Дар нуҳ моҳи соли равон нашри 25 номгӯй китоби дарсӣ ба миқдори 2 миллиону 265 ҳазор нусха ба нақша гирифта шудааст.
Дар айни замон нашри 30 номгӯй китоби дарсӣ бо теъдоди умумии 1 миллиону 367 ҳазор нусха мавриди чоп қарор дошта, 11 номгӯй бо теъдоди 530 ҳазор нусха пурра ба чоп омода гардидааст. Инчунин 24 номгӯйи дигар, ки бояд бо теъдоди 880 ҳазор нусха нашр шавад, дар баррасӣ ва арзёбии муассисаҳои экспертӣ қарор дорад.
Илова бар ин 3 номгӯй китоби дарсӣ, ки теъдоди умумии нашри онҳо 140 ҳазор нусха мебошад, аз ҷониби Муассисаи нашриявии «Маориф» ба чоп омода мешавад.
Гуфта шуд, ки соли 2022 аз ҷониби Вазорати маориф ва илм 183 номгӯй китоби дарсӣ (144 номгӯй бо забони тоҷикӣ, 26 номгӯй ба забони русӣ, 10 номгӯй ба забони узбекӣ ва 3 номгӯй ба забони қирғизӣ) ба миқдори умумии 4 миллиону 94 ҳазору 582 нусха ва дар 9 моҳи соли равон 138 номгӯй китоби дарсӣ ба миқдори 3 млн 988 ҳазору 557 нусха ба раёсат ва шуъбаҳои маорифи шаҳру ноҳияҳои ҷумҳурӣ ва муассисаҳои дигари таълимӣ дастрас гардонида шудаанд.
Давоми солҳои 2023-2024 нашри 16 номгӯй китоби дарсӣ барои муассисаҳои таҳсилоти умумии таълимашон ба забони русӣ, 16 номгӯй ба забони узбекӣ, 12 номгӯй ба забони қирғизӣ ва 4 номгӯй ба забони туркманӣ дар назар дошта шудааст.
АКС аз манбаъҳои боз
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
