Имконияти сайёҳии Тоҷикистон дар Намоишгоҳи сайёҳии байналмилалии Expo Japan муаррифӣ карда шуд
ДУШАНБЕ, 28.10.2023 /АМИТ «Ховар»/. Имконияти сайёҳии Тоҷикистон дар ЭКСПО-и сайёҳии Ҷопон 2023, ки аз 26 то 29 октябр дар шаҳри Осака баргузор мегардад, ба намоиш гузошта шуд. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Дар намоишгоҳ ҳайати кормандони Кумитаи рушди сайёҳӣ ва ширкатҳои сайёҳӣ иштирок намуда, зарфиятҳои сайёҳии Ҷумҳурии Тоҷикистонро ба маърази тамошои меҳмонон ва иштирокдорони намоишгоҳ пешкаш намуданд.
Маросими ифтитоҳии бахши гӯшаи Осиёи Марказӣ 26 октябр доир гардид, ки дар он намояндагони Сафорати Ҷумҳурии Тоҷикистон дар Ҷопон иштирок намуданд. Роҳбарони ҳайатҳои расмии мамлакатҳои Осиёи Марказӣ бо сухани ифтитоҳӣ ба кори бахши Осиёи Марказӣ оғоз бахшиданд.
Дар ин бахш панҷ давлати Осиёи Марказӣ гӯшаҳои худро бо маводи таблиғотӣ ва анҷому хӯрокҳои миллӣ ороиш дода, ба намоиш гузоштанд. Гӯшаи Тоҷикистон низ бо истифода аз маводи таблиғотии сайёҳӣ, меваҷоти хушк ва сарулибоси миллии тоҷикӣ оро ёфта буд.
Бо ибтикор ва дастгирии молиявии Агентии Ҷопон оид ба ҳамкории байналмилалӣ (JICA) бахши муштараки давлатҳои Осиёи Марказӣ дар доираи ЭКСПО-и сайёҳии Ҷопон 2023 омода гардид.
ЭКСПО-и сайёҳии Ҷопон 2023 аз ҷониби ширкат ва ассотсиятсияҳои бузурги ҷопонӣ Japan Travel and Tourism Association (JTTA), Japan Association of Travel Agents (JATA) ва Japan National Tourism Organization (JNTO) ташкил шудааст.
ЭКСПО чорабинии фарогири тиҷорати сайёҳӣ буда, давлатҳои калидӣ дар соҳаи ҷаҳонии гардишгарӣ ва сайёҳонро муттаҳид менамояд. Дар доираи ин чорабинӣ вохӯриҳои корӣ, мубодила, мубоҳисаҳо ва таблиғоти мустақим байни ширкатҳо ва мизоҷон доир мегарданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Президенти Ҷумҳурии Тоҷикистон Эмомалӣ Раҳмон ба наздикону пайвандони Амиршо Миралиев изҳори ҳамдардӣ намуданд
Тоҷикистон Нақшаи маблағгузории Cаҳми дар сатҳи миллӣ муайяншудаи иқлимиро дар Павилиони миллӣ дар Дубай муаррифӣ намуд
Русия омода аст аз Тоҷикистон гӯшти мурғ, тухм, хушкмева ва маҳсулоти заргарӣ харидорӣ намояд
Вазирони энергетикаи Тоҷикистон, Покистон ва Қирғизистон ҷараёни татбиқи лоиҳаи CASA-1000-ро дар Дубай баррасӣ намуданд
МУБОРАК БОШАД! «Ҷашни Сада» ба Феҳристи мероси ғайримоддии башарият ворид гардид
Дар намоиши маҳсулоти истеҳсоли Тоҷикистон дар Русия имконияти вилояти Суғд муаррифӣ гардид
НАВИДИ ФАРҲАНГӢ! «Тазҳиб – санъати зарҳалкорӣ» ба Феҳристи мероси ғайримоддии башарияти ЮНЕСКО ворид шуд
Дар Танзания рушди ҳамкории Вазорати маориф ва илми Тоҷикистон бо Шарики глобалӣ баррасӣ гардид
Сафири Тоҷикистон дар Туркия бо волии вилояти Денизли мулоқот намуд
Дар Душанбе табодули таҷрибаи мутахассисони соҳаи кишоварзии Тоҷикистон ва Эрон баррасӣ гардид
Рустами Эмомалӣ Сафири навтаъйини Олмон дар Тоҷикистон Йорк Шуграфро ба ҳузур пазируфтанд
Фармони Президенти Ҷумҳурии Тоҷикистон дар бораи озод намудани судяҳо
