ИМРӮЗ-РӮЗИ СОҲИБКОРОН. Дар оянда дар Тоҷикистон корхона оид ба истеҳсоли лифтҳои бренди шведии «SIGLEN» ба роҳ монда мешавад
ДУШАНБЕ, 14.10.2023 /АМИТ «Ховар»/. 14 октябр дар Ҷумҳурии Тоҷикистон Рӯзи соҳибкорон таҷлил мегардад. Соҳибкорони тоҷик бо меҳнати бунёдкорона дар рушди тамоми соҳаҳои ҳаёти мамлакат, хусусан бунёди инфрасохтори наву замонавӣ дар соҳаҳои афзалиятноки иқтисоди мамлакат, аз ҷумла, маориф, тандурустӣ ва ҳифзи иҷтимоӣ нақши муассир мегузоранд.
Соҳибкори инфиродӣ Мазбут Зарифов аз шаҳри Истаравшани вилояти Суғд, ки ба воридоти лифтҳои бренди шведии «SIGLEN» аз Чин ба Тоҷикистон машғул аст, мегӯяд, ки дар доираи эълон гардидани Солҳои рушди саноат дар Ҷумҳурии Тоҷикистон (2022-2026) дар оянда ният доранд, ки дар ҳамкорӣ бо шарикони хориҷӣ дар Тоҷикистон корхонаи истеҳсоли лифтҳоро ба роҳ монанд.
Мавсуф дар суҳбат ба хабарнигори АМИТ «Ховар» дар ҷараёни баргузории Намоишгоҳи байналмилалии сохтмонии «TAJBUILD», ки имрӯзҳо дар «DUSHANBE EXPO CENTRE» идома дорад, гуфт, ки лифтҳои бренди шведии «SIGLEN», ки аз Чин ба Тоҷикистон оварда мешаванд, сифати хуб дошта, дар сохтмони биноҳо дар шаҳрҳои Хуҷанд, Истаравшан, Бохтар, Турсунзода, Ваҳдат ва ноҳияи Рӯдакӣ насб мегарданд.
Мавсуф мегӯяд, ки дар Тоҷикистон дар бахши соҳибкорӣ шароити мусоиди фаъолият фароҳам оварда шудааст. Барои муваффақ гардидан дар соҳибкорӣ нияти нек, дасту дили пок, бошууронаю оқилона дар доираи қонунгузории марбут ба соҳибкорӣ фаъолият намудан зарур аст, дар он сурат соҳибкор ба пешравиҳо ноил мегардад ва дар рушди иқтисоди мамлакат саҳми созгор мегузорад.
Мазбут Зарифов беш аз 30 сол аст, ки ба ба соҳибкорӣ машғул аст.
«Ман аввал дар шаҳри Истаравшан мағоза доштам ва аз Чин мол ворид менамудам. Зимни як сафарам ба Чин бо намояндагони ширкате, ки ба истеҳсоли лифтҳои бренди шведии «SIGLEN» машғул мебошанд, шинос гардида, ҳамкориро ба роҳ мондам».
Соҳибкор мегӯяд, ки маҳз бо шарофати тадбирҳои муассири андешида аз сӯи Ҳукумати Тоҷикистон, хусусан Пешвои миллат муҳтарам Эмомалӣ Раҳмон дар мамлакат ба соҳибкорон аз ҷониби давлат имтиёзҳо пешниҳод гардидааст, ки он ба рушди соҳибкорӣ мусоидат менамояд.
Марзия САИДЗОДА,
АМИТ «Ховар»
АКС аз манбаъҳои боз
Мутахасисони Тоҷикистон дар Чин бо навовариҳои соҳаи пахтакорӣ шинос шуд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
