Кумитаи рушди сайёҳии Тоҷикистон дар шаҳри Самарқанд машварати минтақавии сайёҳиро доир менамояд
ДУШАНБЕ, 18.10.2023 /АМИТ «Ховар»/. Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Созмони ҷаҳонии сайёҳӣ тасмим гирифтааст, ки 19-20 октябр дар шаҳри Самарқанди Ҷумҳурии Узбекистон машварати минтақавии сайёҳиро бо иштироки намояндагони мақомоти сайёҳии давлатҳои Осиёи Марказӣ ва коршиносони байналмилалӣ баргузор намояд. Ин машварат дар чорчўби иҷлосияи 25-уми Маҷмаи умумии Созмони ҷаҳонии сайёҳии Милали Муттаҳид (UNWTO), ки дар шаҳри Самарқанд идома дорад, доир карда мешавад. Дар ин хусус АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон хабар медиҳад.
17 октябр дар шаҳри Самарқанд дар ҳошияи ин иҷлосия Форуми байналмилалии сармоягузорӣ баргузор гардид, ки дар кори он ҳайати намояндагони Тоҷикистон таҳти роҳбарии раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод иштирок намуд.
Дар Форуми байналмилалии сармоягузории Самарқанд намояндагони беш аз 140 давлати ҷаҳон, аз ҷумла Котиби генералии Созмони ҷаҳонии сайёҳӣ Зураб Пололикашвили, ҳайати Кумитаи мазкур ва коршиносони байналмилалии сайёҳӣ иштирок ва суханронӣ намуданд.
Ҳамзамон дар Маркази конгресси «Роҳи Абрешим»-и шаҳри Самарқанд Намоишгоҳи молу маҳсулотҳои сайёҳӣ доир гардид, ки дар қатори дигар давлатҳои Осиёи Марказӣ- Ҷумҳурии Тоҷикистон гӯшаи сайёҳии худро дар формати рақамӣ ташкил намуд. Ҳамчунин ширкатҳои сайёҳии ватанӣ бо истифода аз ин гӯшаи муосири сайёҳии мамлакат имкониятҳои хизматрасонии худро дар шакли бурқа ва буклетҳои таблиғотӣ манзури ҳаводорони сайру сайёҳат гардониданд.
Зимнан бояд гуфд, ки дар Форуми байналмилалии сармоягузории Самарқанд Кумитаи рушди сайёҳии назди Ҳукумати Ҷумҳурии Тоҷикистон 30 адад лоиҳаҳои сармоягузории сайёҳиро пешкаши сармоягузорони хориҷӣ гардонид. Ҷараёни кори форум аз ҷониби намояндагони Воситаҳои ахбори оммаи хориҷӣ ба таври васеъ инъикос гардида истодааст.
АКС: Кумитаи рушди сайёҳии назди Ҳукумати Ҷумҳурии Тоҷикистон
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
