Намояндаи Тоҷикистон дар нишасти вазирони давлатҳои Осиёи Марказӣ ва Иёлоти Муттаҳидаи Америка иштирок намуд
ДУШАНБЕ, 25.10.2023. /АМИТ «Ховар»/. 24 октябр дар шаҳри Самарқанди Ҷумҳурии Узбекистон нишасти вазирони давлатҳои Осиёи Марказӣ ва Иёлоти Муттаҳидаи Америка оид ба ҳамгироии минтақавӣ дар қолаби С5+1 баргузор гардид, ки дар он муовини Вазири рушди иқтисод ва савдои Ҷумҳурии Тоҷикистон Аҳлиддин Нуриддинзода иштирок ва суханронӣ намуд. Дар ин хусус ба АМИТ «Ховар» дар Вазорати рушди иқтисод ва савдо хабар доданд.
Дар қисмати якуми ҷаласа, ки ба рушди фарогир ва устувори иқтисодӣ бахшида шуда буд, ҷонибҳо роҷеъ ба масъалаҳои мусоидат ба рушди иқтисоди рақамӣ ва иқтисоди «сабз», беҳтарсозии фазои сармоягузорӣ ва соҳибкорӣ, дастгирии шуғл дар байни занон, ҷавонон ва шахсони дорои имконияти маҳдуд ва таъмини амнияти озуқаворӣ дар минтақа табодули афкор намуданд.
Дар бахши дуюми ҷаласа зери унвони «Ҳамгироии дохилиминтақавӣ ва глобалӣ» мавзуъҳои мусоидат ба тавсеаи савдои дохилиминтақавӣ ва афзоиши зарфияти масирҳои тиҷоратӣ ва транзитӣ, пешбурди пайвастшавии энергетикӣ ва мубориза бо пайомадҳои тағйирёбии иқлим тариқи рушди истеҳсоли энергияи аз ҷиҳати экологӣ тоза баррасӣ шуданд.
Дар хотимаи нишаст ҷонибҳо баҳри таҳкиму густариши шарикии созандаи давлатҳои Осиёи Марказӣ ва Иёлоти Муттаҳидаи Америка, хусусан АРБИМА, ҷиҳати вусъатдиҳии ҳамгироии давлатҳои минтақа дар соҳаҳои афзалиятноки гуфташуда ва пешбурди рушди устувори иқтисодӣ омодагӣ изҳор намуданд.
Аз натиҷаи ҷаласа изҳороти муштарак қабул гардида, роҳбарони ҳайатҳои давлатҳои минтақа ва ИМА ёддоштҳои тафоҳум дар бораи ҳамкорӣ оид ба ташаббуси декарбонизатсия ва ҳамкорӣ оид ба рақамикунонии расмиёти гумрукӣ дар Осиёи Марказӣ ба имзо расониданд.
АКС: Вазорати рушди иқтисод ва савдои Ҷумҳурии Тоҷикистон
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
