Раиси вилояти Хатлон бо ҳолати Мактаб-интернати ҷумҳуриявӣ барои кӯдакони ятим дар ноҳияи Шамсиддини Шоҳин шинос шуд
ДУШАНБЕ, 27.10.2023 /АМИТ «Ховар»/. 26 октябр Раиси вилояти Хатлон Давлаталӣ Саид дар ноҳияи Шамсиддини Шоҳин бо вазъи будубоши тарбиятгирандагони Мактаб- интернати ҷумҳуриявӣ барои кӯдакони ятим шинос шуд. Дар ин хусус АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон хабар медиҳад.
Иттилоъ дода шуд, ки ин мактаб – интернат соли 1959 таъсис ёфта, то ҳоло фаъолият дорад. Дар соли нави таҳсил 130 нафар ба таълиму тарбия фаро гирифта шуданд, ки аз инҳо 113 нафар писар ва 17 нафарашон духтарон мебошанд.
Муассисаи мазкур аз рӯзи таъсис то имрӯз як зумра мутахасисони болаёқат, ба мисли олимон Аламхон Кучаров, Муродалӣ Набиев, Сайдаҳтам Юнусов, Сайидалам Юнусов, Маҳмуд Абдуллоев, Ҳақназар Хоҷаев, Саид Атоев, Давлатманд Холов, Ҷумъахон Сафаров, Шермуҳаммади Шоҳиён, Абдурозиқ Ҳамидов, Солеҳҷон Завқиев, генерал — майор Рустам Амакиев, Пайрави Сулаймон, Хисрав Наимов, Парвиз Наимов, Дурандеш Иброҳимзода, Ҷамшед Олимов, Сафаралӣ Одинаев, Муҳаммади Амакӣ ва дигаронро тарбия намуда, ба камол расонидааст.
Бо дастгирии Раиси ноҳияи Шамсиддини Шоҳин дар ин ҷо утоқи замонавии дӯзандагӣ бо таҷҳизоти ҳозиразамон барои духтарон ва ҳаммоми нави замонавӣ сохта, ба истифода дода шуд.
Раиси вилояти Хатлон бо омӯзгорону хонандагон суҳбат намуда, аз таҳсилу фаъолияти онҳо огоҳ гардид. Аҳли маориф вазифадор гардиданд, ки барои беҳтар намудани сифати таълиму тарбия мунтазам тадбирҳои зарурӣ андешанд.
Раиси вилоят баъди суҳбату вохӯрӣ ба тарбиятгирандагон туҳфаҳо ва сарулибоси мактабӣ супорид.
АКС: Шуъбаи иттилоотию таҳлилии дастгоҳи Раиси вилояти Хатлон
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
