«РОҒУН»-ИНШООТИ ИТТИҲОДУ ИФТИХОРИ МО. Роҳбарият ва кормандони Вазорати корҳои хориҷии Тоҷикистон ба Неругоҳи барқи обии «Роғун» сафар намуданд
ДУШАНБЕ, 24.10.2023. /АМИТ «Ховар»/. 21 октябр роҳбарият ва кормандони Вазорати корҳои хориҷии Ҷумҳурии Тоҷикистон ба Неругоҳи барқи обии «Роғун» рафта, бо ҷараёни иҷрои корҳо дар ин иншооти тақдирсози миллат аз наздик шинос шуданд. Дар ин хусус ба АМИТ «Ховар» дар Неругоҳи барқи обии «Роғун» хабар доданд.
Намояндагони вазорат хуб дарк менамоянд, ки имрӯз неругоҳи «Роғун» мақоми ҷаҳонӣ пайдо ва таваҷҷуҳи мутахассисони техникиву иқтисодии давлатҳои дунёро ба худ ҷалб намудааст. Дар радифи бинандагони сершуморе, ки аз корхонаву ширкатҳои хориҷиву дохилӣ бо неругоҳи «Роғун» шинос мешаванд, кормандони сафоратҳои дигар давлатҳо низ қарор доранд.
Роҳбарият ва кормандони вазорати корҳои хориҷӣ зимни сафар ба иншооти асосии Тоҷикистон бо нақби сохтмонии қабати чаҳорум, мавзеи сарбанди асосӣ, ки бо баландии 335 метр қомат меафрозад, обқабулкунакҳои доимии неругоҳ, ки дар сатҳҳои 1152 ва 1190 метр аз сатҳи баҳр бунёд мешаванд, нақбҳои обрасону шахтаҳои ҳаводеҳ, нақбҳои нақлиётиву дастрасӣ, толори мошинҳо ва ғайра шинос шуданд.
Фаъолияти босуботи бунёдгарон, ки бо реҷаи шабонарӯзӣ идома меёбад, барои намояндагони соҳаи дипломатияи Тоҷикистон мароқангез буд.
Бояд гуфт, ки Неругоҳи барқи обии «Роғун» дар оянда бо иқтидори 3 ҳазору 600 мегаватт солона беш аз 17 миллиард квт/с барқ тавлид менамояд. Шаш чархаи он- ҳар як 600 мегаватт иқтидор доранд. Он дар маҷрои Вахш аз болооб нуҳум хоҳад шуд. Сарбандаш бо баландии 335 метр бузургтарин садди хокию сангӣ дар ҷаҳон ба шумор меравад.
АКС: Неругоҳи барқи обии «Роғун»
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Неругоҳи барқи обии «Роғун» — шоҳасари созандагӣ ва ободкории миллати тоҷик дар замони соҳибистиқлолӣ
Маҷлиси умумии солонаи саҳмдорони Неругоҳи барқи обии «Роғун» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Пагоҳ маҷлиси умумии солонаи саҳмдорони ҶСК «Неругоҳи барқи обии Роғун» доир мегардад
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
