Тоҷикистон дар намоишгоҳи байналмилалии боғдорӣ ва шаҳрҳои сабз дар Туркия муаррифӣ карда мешавад
ДУШАНБЕ, 17.10.2023 /АМИТ «Ховар»/. Дар Намоишгоҳи байналмилалии боғдорӣ ва шаҳрҳои сабз «Kahramanmaraş EXPO 2023», ки дар Ҷумҳурии Туркия доир мегардад, гӯшаи Тоҷикистон ташкил карда шуд.
Гӯшаи Тоҷикистон дар ин намоишгоҳи бузурги байналмилалӣ аз боғи дарахту гулҳо ва толори намоишӣ иборат буда, дар баробари боғу гулзор дар он, ҳамчунин молу маҳсулоти ватанӣ, аз ҷумла ҳунарҳои мардумӣ -сӯзаниҳо, расмҳо, китобҳо, либосҳои миллӣ ва имконияти сайёҳии мамлакат муаррифӣ карда мешавад.
Аз Тоҷикистон дар Намоишгоҳи байналмилалии боғдорӣ ва шаҳрҳои сабз «Kahramanmaraş EXPO 2023» раиси ноҳияи Данғараи вилояти Хатлон Раҳмон Исломиддин иштирок менамояд.
Гӯшаи Тоҷикистон дар Намоишгоҳи байналмилалии боғдорӣ ва шаҳрҳои сабз «Kahramanmaraş EXPO 2023» дар заминаи Ёддошти тафоҳум оид ба иштирок дар Намоишгоҳи байналмилалии боғдорӣ ва шаҳрҳои сабз «Kahramanmaraş EXPO 2023», ки байни ноҳияи Данғараи вилояти Хатлони Ҷумҳурии Тоҷикистон ва ноҳияи Оникишубати вилояти Қаҳрамонмараши Ҷумҳурии Туркия 13 сентябри соли 2022 ба имзо расида буд, ташкил гардид.
Дар доираи намоишгоҳ Ноиби Президенти Ҷумҳурии Туркия Ҷевдет Йилмаз, Вазири кишоварзӣ ва ҷангалпарварии Туркия Иброҳим Юмакли, Раиси вилояти Қаҳрамонмараш Хайреттин Гунгор ва дигар шахсони расми ба ғурфаи Ҷумҳурии Тоҷикистон ташриф оварданд.
Дар ҳошияи намоишгоҳ вохӯрии раиси ноҳияи Данғара Раҳмон Исломиддин бо раиси ноҳияи Оникишубат Ханифе Маҳчичек баргузор гардид.
Зимни вохурӣ ҷонибҳо вобаста ба имконияти рушди ҳамкории мутақобилан судманд байни минтақаҳои Тоҷикистон ва Туркия, алалхусус ноҳияҳо дар соҳаҳои мухталифи иқтисодӣ, аз ҷумла кишоварзӣ ва саноати сабук ибрози назар намуданд.
Хотиррасон мешавем, ки Намоишгоҳи байналмилалии боғдорӣ ва шаҳрҳои сабз «Kahramanmaraş EXPO 2023» то 14-уми январи соли 2024 идома меёбад.
АКС: Сафорати Ҷумҳурии Тоҷикистон дар Ҷумҳурии Туркия
Дар вилояти Хатлон ҷамъоварии пахта 40,76 фоизи нақшаи солонаро ташкил медиҳад
Дар ноҳияи Мир Сайид Алии Ҳамадонӣ зеристгоҳи нави 110 кВ-и «Чубек» ба истифода дода шуд
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
