Барои донишҷӯёни шуъбаи иқтисод ва идоракунии сайёҳии Донишгоҳи давлатии Хоруғ дарсҳои амалии саҳроӣ гузаронида шуданд

Ноябрь 29, 2023 15:15

ДУШАНБЕ, 29.11.2023 /АМИТ «Ховар»/.  Донишгоҳи давлатии Хоруғ ба номи Моёншо Назаршоев баҳри тайёр намудани мутахассисони баландихтисос дар соҳаи сайёҳӣ барои донишҷӯёни шуъбаи иқтисод ва идоракунии сайёҳӣ дар Дирумкӯли ноҳияи Роштқалъа  аз фанни «Туризми кӯҳӣ»  дарсҳои амалӣ ташкил намуд. Дар ин хусус АМИТ «Ховар» бо истинод ба ин донишгоҳ хабар медиҳад.

Бояд гуфт, ки муҳимтарин иқдоми Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба пешрафт ва тараққӣ додани соҳаи сайёҳӣ эълон намудани соли 2018- Соли рушди сайёҳӣ ва ҳунарҳои мардумӣ, солҳои 2019-2021- Солҳои рушди деҳот, сайёҳӣ ва ҳунарҳои мардумӣ ва қабули Стратегияи рушди сайёҳӣ дар Ҷумҳурии Тоҷикистон барои давраи то соли 2030 мебошанд.

Самти муносиби рушди соҳаи туризми устувор дар Вилояти Мухтори Кӯҳистони Бадахшон- ин ноҳияи Роштқалъа ба ҳисоб меравад, чунки захираҳои табиӣ ва табиати нотакрори он имрӯз диққати сайёҳони дохилӣ ва хориҷиро ба худ ҷалб менамояд. Яке аз захираҳои табиии ноҳияи Роштқалъа кӯли зебоманзари Дирумкӯл аст, ки дар байни кӯҳҳо ҷойгир шудааст.

Мавзеи Дирумкӯл дар нишебии ҷанубии кӯҳҳои Шуғнон, дар баландии 3 335 метр аз сатҳи баҳр воқеъ буда, масоҳати кӯл 1,96 км 2, дарозиаш 3,15 км, паҳноии миёна 0,62 км ва ҷуқурии максималии кӯл 75,9 метрро ташкил медиҳад.

Таҷрибаомӯзӣ дар ноҳияи Роштқалъа имконияти муҳим дар таҳкими дониши донишҷӯён ва дар амал татбиқ намудани дониши назариявии онҳо мебошад.

Асоси табиатро кӯҳҳо ташкил медиҳанд ва барои илми ҷаҳонӣ нуқтаи асосӣ ба ҳисоб мераванд.  Дар 139 давлати ҷаҳон бештар кӯҳҳо вомехӯранд, ки тақрибан 24 фоизи рӯи заминро фаро мегиранд. Аз  ин рӯ, ҳар сол туризми кӯҳнавардӣ дар ин экосистемаҳо ташкил мешавад, ки 15-20 фоизи миқдори бештари туризми ҷаҳониро ташкил медиҳанд. Ин раванд дар оянда метавонад боз як сифати навро дар илми туризм ба чашми оламиён боз намояд.

Бояд гуфт, ки гурӯҳи  сайёҳии Донишгоҳи давлатии Хоруғ боз ҳам бештар гузаронидани чунин дарсҳои амалии саҳроиро дар нақша дорад.

АКС: Донишгоҳи давлатии Хоруғ ба номи Моёншо Назаршоев

 

 

Ноябрь 29, 2023 15:15

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Исломии Покистон Шаҳбоз Шариф барқияи табрикӣ ирсол намуданд
НАЗАРИ КОРШИНОС. Рушди ҳунармандӣ ба беҳтар шудани имконияти иҷтимоию иқтисодии оилаҳо мусоидат менамояд
Дар Донишгоҳи давлатии омӯзгории Тоҷикистон доир ба ҳифзи забони давлатӣ маҳфил доир шуд
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Сокинони шаҳри Леваканд соҳиби сертификати касбомӯзии Донишгоҳи техникии Тоҷикистон гардиданд
Бо хатмкунандагони мактабҳои миёнаи шаҳри Хуҷанд вохӯрии судманд доир шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба Донишгоҳи давлатии фарҳанги Қазон фиристода шуданд
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
ОГОҲӢ. Дар Тоҷикистон то 4 март хатари лағзиши тарма боқӣ мемонад
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард