Дар Донишкадаи рушди менеҷменти Сингапур дар Душанбе Рӯзи Парчами Тоҷикистонро бошукуҳ ҷашн гирифтанд
ДУШАНБЕ, 24.11.2023 /АМИТ «Ховар»/. Имрӯз дар Донишкадаи рушди менеҷменти Сингапур дар Душанбе таҳти унвони «Парчами давлатӣ-ифтихори миллӣ» бахшида ба Рӯзи Парчами давлатии Ҷумҳурии Тоҷикистон ҳамоиши муштараки тантанавии Агентии хизмати давлатии назди Президенти Ҷумҳурии Тоҷикистон ва ин муассиса баргузор гардид. Дар ин хусус ба АМИТ «Ховар» дар Агентии хизмати давлатӣ хабар доданд.
Муовини директори Агентии хизмати давлатӣ Дилноза Аҳмадзода иброз дошт, ки «Парчами давлатии Ҷумҳурии Тоҷикистон баёнгари соҳибихтиёрии давлат ва равшанибахши роҳи миллат ба сӯйи ояндаи дурахшони ҷумҳурии азизамон мебошад. Парчами давлатӣ ифтихори ҳар сокини Тоҷикистони соҳибистиқлол, ифодагари иттиҳоду сарҷамъӣ, нангу номус ва ҳувияти миллии мардуми мо буда, мақсаду мароми созандаи тоҷиконро дар рангҳои худ инъикос намудааст».
Гуфта шуд, ки дар таърихи навини давлатдории тоҷикон Шурои Олии Ҷумҳурии Тоҷикистон аз 28 июни соли 1991 «Дар бораи рамзҳои давлатии Ҷумҳурии Тоҷикистон» қарор қабул намуда, озмун эълон намуд. Натиҷаи озмун дар Иҷлосияи таърихии XVI Шурои Олии Ҷумҳурии Тоҷикистон 24 ноябри соли 1992 ҷамъбаст гардида, қарори дахлдор қабул шуд. Нахустин амали Сарвари тозаинтихоби Тоҷикистон, Раиси Шурои Олӣ муҳтарам Эмомалӣ Раҳмон дар ин Иҷлосияи таърихӣ — бӯсидани Парчами Тоҷикистон буд.
Меҳмонони ҳамоиш вобаста ба таърихи парчам ҳамчун рамзи миллӣ ва давлатдорӣ, таърихи парчамдории тоҷикон, қабули Парчами давлатӣ ва истифодаи он, нақши Парчам дар давлатдории миллӣ, арҷ гузоштан ба ин муқаддасоти миллӣ ибрози назар намуда, суханҳои хешро бо иқтибосҳо аз паёму суханрониҳои Сарвари давлат муҳтарам Эмомалӣ Раҳмон тақвият доданд. Ҳамчунин аз ҷониби донишҷўёни Донишкадаи рушди менеҷменти Сингапур дар Душанбе маърузаҳо бо забонҳои русӣ ва англисӣ пешниҳод гардиданд.
Дар ҷамъбасти ҷамъомад бо фармоиши директори Агентии хизмати давлатӣ ректори Донишкадаи рушди менеҷменти Сингапур дар Душанбе Зайниддин Мухторов ва сардори шуъбаи таҳлилию иттилотии Академияи идоракунии давлатии назди Президенти Ҷумҳурии Тоҷикистон Хуршед Мавлонов барои ҳамкории мутақобилан судманд бахшида ба Рӯзи Парчами давлатӣ бо «Ифтихорнома» қадршиносӣ шуданд.
АКС: Агентии хизмати давлатии назди Президенти Ҷумҳурии Тоҷикистон
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
