Дар Душанбе доир ба нақши Президенти Тоҷикистон дар рушди илми ватанӣ конференсияи ҷумҳуриявӣ баргузор мешавад

ДУШАНБЕ, 13.11.2023 /АМИТ «Ховар»/. 15 ноябр бахшида ба Рӯзи Президенти Ҷумҳурии Тоҷикистон дар Академияи миллии илмҳои Тоҷикистон дар мавзуи «Нақши  Президенти Ҷумҳурии Тоҷикистон дар рушди илми ватанӣ» конференсияи ҷумҳуриявии илмӣ-назариявӣ баргузор мегардад. Дар ин хусус ба АМИТ «Ховар» дар Академияи миллии илмҳо хабар доданд.

Дар конференсия дар мавзуъҳои «Коллексияи нумизматии Пешвои миллат», «Президент-поягузори давлатдории миллӣ», «Падидаи Президентӣ дар Тоҷикистони соҳибистиқлол», «Президент- поягузори ислоҳоти ҳуқуқӣ ва маънавии ҷомеа дар Ҷумҳурии Тоҷикистон» ва ғайра маърузаҳо ироа мегарданд.

Инчунин 14 ноябр дар Маркази илмию таҳқиқотии «Пажуҳиши афкори илмӣ ва сиёсии Пешвои миллат» дар мавзуи «Баррасии масъалаҳои забоншиносӣ дар асарҳои Пешвои миллат» ҳамоиш доир мешавад.

АКС: АМИТ «Ховар»