Дурнамои рушди Бонки амонатгузории Ҷумҳурии Тоҷикистон «Амонатбонк» барои 3-5 соли оянда баррасӣ гардид
ДУШАНБЕ, 28.11.2023. /АМИТ «Ховар»/. Дастрасии қарзҳо аз «Амонатбонк» бо асъори миллӣ ва ҳадафҳои дурнамои рушди ин бонк барои 3-5 соли оянда аз масъалаҳое буданд, ки зимни вохӯрии ҳайати кории Корпоратсияи молиявии байналмилалӣ таҳти сарварии роҳбари минтақавии Осиёи Марказӣ ва Туркия Алайн Ноунке бо Раиси Раёсати «Амонатбонк» Сироҷиддин Икромӣ мавриди баррасӣ қарор дода шуд. Дар ин хусус ба АМИТ «Ховар» дар Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» хабар доданд.
Дар мулоқот Раиси Раёсати «Амонатбонк» вобаста ба натиҷаи фаъолияти молиявии бонк давоми 10 моҳи соли равон бо рӯнамо баромад намуда, ҳайатро бо дастовардҳои молиявии бонк шинос намуд.
Иттилоъ дода шуд, ки новобаста аз таъсири манфии омилҳои беруна «Амонатбонк» дар ҳолати устувори молиявӣ қарор дошта, рӯз то рӯз ҷойгоҳи худро дар низоми бонкии мамлакат устувор менамояд.
Роҳбари ҳайати кории Корпоратсияи молиявии байналмилалӣ Алайн Ноунке изҳор дошт, ки дар ҳақиқат имрӯз «Амонатбонк» яке аз бонкҳои низомсози Ҷумҳурии Тоҷикистон ба шумор рафта, имконияти молиявии он имкон медиҳад, ки дар рушди макроиқтисодии мамлакат саҳми назаррас дошта бошад.
Дар интиҳои мулоқот ҷонибҳо омодагии хешро барои рушди ҳамкории судманд дар самтҳои мухталиф иброз намуданд.
АКС: Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк»
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
ҚУРБИ АСЪОР: дар Тоҷикистон 1 евро аз 11.8268 то 11.6500 сомонӣ муқаррар шудааст
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
