ФУТБОЛ. Имрӯз дастаҳои «Истиқлол» ва «Персеполис» дар доираи бозии даври чоруми Лигаи чемпионҳои Осиё-2023/24 бозӣ менамоянд
![](https://khovar.tj/wp-content/uploads/2023/11/Istiklol-FK.jpg)
ДУШАНБЕ, 07.11.2023 /АМИТ «Ховар»/. Имрӯз, 7 ноябр дар Варзишгоҳи марказии ҷумҳуриявии шаҳри Душанбе бозии даври чаҳоруми Лигаи чемпионҳои Осиё-2023/24 байни дастаҳои «Истиқлол» (Тоҷикистон) ва «Персеполис» (Эрон) баргузор мегардад. Дар ин хусус ба АМИТ «Ховар» дар Федератсияи футболи Тоҷикистон хабар доданд.
6 ноябр ҷаласаи пеш аз бозӣ оид ба масъалаҳои ташкилии бозӣ доир шуд. Дар ҷаласа бо иштироки комиссари бозӣ, нозири доварон, роҳбарияти дастаҳои «Истиқлол» ва «Персеполис», ҳамчунин намояндагони Федератсияи футболи Тоҷикистон ва дигар масъулин масъалаҳои ташкилӣ оид ба вохӯрии дарпешистода баррасӣ шуданд.
Соҳибони майдон — футболбозони «Истиқлол» бо пироҳанҳои сурх ва меҳмонони дастаи «Персеполис» бо либосҳои сафед ба майдон мебароянд.
АКС: Федератсияи футболи Тоҷикистон