ЛИГАИ ЧЕМПИОНҲОИ ОСИЁ. Дар даври охирин «Истиқлол» бо «Ал-Наср» ва «Персеполис» бо «Ал-Дуҳайл» бозӣ менамоянд

Ноябрь 28, 2023 17:35

ДУШАНБЕ, 28.11.2023. /АМИТ «Ховар»/. 5 декабр, соати 21:00 дар Варзишгоҳи марказии ҷумҳуриявӣ дар шаҳри Душанбе вохӯрии навбатии дастаҳои футболи «Истиқлол»-и шаҳри Душанбе ва «Ал-Наср»-и Арабистони Саудӣ баргузор мегардад. Барои иштирок дар ин бозӣ ситораҳои футболи ҷаҳон, ба монанди Садио Мане, Андерсон Талиска, Марсело Брозович, Секо Фофана ва Криштиану Роналдо, ки дар ҳайати дастаи футболи «Ал-Наср»-и Арабистони Саудӣ бозӣ менамоянд, ба шаҳри Душанбе меоянд. Дар ин хусус шореҳи варзиши АМИТ «Ховар» хабар медиҳад.

Дар даври охирин- 5 декабри соли равон дастаҳои футболи «Истиқлол»-и шаҳри Душанбе бо «Ал-Наср»-и Арабистони Саудӣ ва «Персеполис»-и Эрон бо «Ал-Дуҳайл»-и Қатар байни ҳам рақобат менамоянд.

Хотиррасон мешавем, ки 27 ноябр бозиҳои даври панҷуми марҳилаи гурӯҳии Лигаи чемпионҳои Осиё дар гурӯҳи «Е» байни дастаҳои футболи «Ал-Наср»-и Арабистони Саудӣ ва «Персеполис»-и Эрон баргузор шуданд. Вохӯрии дастаҳо дар варзишгоҳи «Парк Ал-Аввал»-и шаҳри Риёз доир гардида, бе задани гол мусовӣ анҷом ёфт. Дар бозии дигари гурӯҳ дар шаҳри Давҳа дастаи «Ал-Дуҳайл»-и Қатар бо ду голи Олунга дастаи футболи «Истиқлол»-и шаҳри Душанберо шикаст дод.

Ҳоло дар ҷадвали гурӯҳи «Е» дастаи футболи «Ал-Наср»-и Арабистони Саудӣ бо 13 имтиёз дар мақоми аввал буда, роҳхати даври плей-оффро соҳиб шуд. Дастаи «Персеполис»-и Эрон бо 8 имтиёз дар зинаи дуюм қарор дорад. Дастаи «Ал-Дуҳайл»-и Қатар бо 4 имтиёз дар зинаи сеюм ва дастаи футболи «Истиқлол»-и шаҳри Душанбе бо ду имтиёз дар зинаи чаҳорум аст.

АКС: Федератсияи футболи Тоҷикистон

Ноябрь 28, 2023 17:35

Хабарҳои дигари ин бахш

Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд
Имрӯз бозии ниҳоии Ҷоми Тоҷикистон-2025 оид ба футбол баргузор мегардад
«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Пагоҳ бозии ниҳоии Ҷоми Тоҷикистон-2025 оид ба футбол баргузор мегардад
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид
ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад