ПАРЧАМБАРДОРОНИ МИЛЛАТ. Бо иштироки варзишгарон ҳамоиши тантанавӣ ва экскурсияи варзишӣ-сайёҳатӣ доир шуд

Ноябрь 23, 2023 16:20

ДУШАНБЕ, 23.11.2023. /АМИТ «Ховар»/. Бахшида ба Рӯзи Парчами давлатии Ҷумҳурии Тоҷикистон бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти унвони «Варзишгарон-парчамбардорони миллат» ҳамоиши тантанавӣ ва экскурсияи варзишӣ-сайёҳатии варзишгарони наврасу ҷавон баргузор шуд. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Раиси Кумитаи кор бо ҷавонон ва варзиш мураббиёну варзишгарон ва иштирокчиёни ҳамоиши тантанавиро ба ифтихори Рӯзи Парчами давлатии Ҷумҳурии Тоҷикистон шодбош гуфта, аз дастовардҳои варзишгарони тоҷик дар мусобиқаҳои сатҳи байналмилалӣ изҳори қаноатмандӣ намуд. Ҳамзамон умеду боварии онҳоро барои ба даст овардани медалҳои Бозиҳои олимпӣ ва мусобиқаҳои сатҳи байналмилалӣ зиёд намуд.

Дар ҷараёни ҳамоиш ба як зумра мураббиёну варзишгарон унвонҳои соҳавӣ ва сипосномаҳои Кумитаи кор бо ҷавонон ва варзиши ҷумҳурӣ дар вазъияти тантанавӣ тақдим шуд.

Баъди анҷоми ҳамоиши тантанавӣ варзишгарон ба самти шаҳри Роғун роҳсипор гардиданд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Ноябрь 23, 2023 16:20

Хабарҳои дигари ин бахш

РӮЗИ ҶАҲОНИИ ФУТБОЛ. Ҷавонону варзишгарони Истаравшан ин пешниҳодро ҷонибдорӣ менамоянд
ФУТБОЛ. Дастаи мунтахаби олимпии Тоҷикистон (U-23) бо дастаи Ветнам бозиҳои дӯстона баргузор менамояд
САЙРИ ҶАҲОНИИ ҶУДО. Шаҳри Душанбе мизбони «Grand Slam» мегардад
Зайнулло Шарифзода президенти нави дастаи футболи «Вахш»-и Бохтар гардид
Дастаи «Равшан» аввалин маротиба Ҷоми Федератсияи футболи Тоҷикистонро ба даст овард
Намояндагони Тоҷикистон бо ҷавонону варзишгарони тоҷики муқими шаҳри Қазон вохӯрӣ намуданд
«ҶОМИ РУШД-2024». Иштироки дастаи мунтахаби наврасони Тоҷикистон (U-16) дар ин мусобиқа ба анҷом расид
ФУТБОЛ. Шаҳром Самиев фаъолияташро дар дастаи «Андиҷон»-и Узбекистон идома медиҳад
TASHKENT GRAND SLAM 2024 . Тоҷикистонро дар ин мусобиқа 15 варзишгар намояндагӣ мекунад
ҶОМИ ҶАҲОН-2026. Дастаи мунтахаби Тоҷикистон оид ба футбол дар Қатар бозиҳои тамринӣ мегузаронад
Гела Шекиладзе сармураббии нави дастаи мунтахаби Тоҷикистон оид ба футбол таъйин гардид
Имрӯз дар Қазон маросими ифтитоҳи «Бозиҳои оянда» баргузор мегардад