Шабакаҳои телекоммуникатсионии Тоҷикистон бо шабакаҳои телекоммуникатсионии Чин мустақиман пайваст мешаванд
ДУШАНБЕ, 17.11.2023 /АМИТ «Ховар»/. Дар ояндаи наздик пайвастшавии мустақими шабакаҳои телекоммуникатсионии Ҷумҳурии Тоҷикистон бо шабакаҳои телекоммуникатсионии Ҷумҳурии Мардумии Чин амалӣ мешавад, ки ин барои Тоҷикистон дар соҳаи алоқа аҳамияти муҳим дорад. Дар ин хусус АМИТ «Ховар» бо истинод ба Хадамоти алоқаи назди Ҳукумати Ҷумҳурии Тоҷикистон хабар медиҳад.
Ин иқдом дар доираи Лоиҳаи сохтмони шабакаи нақлиётии магистралии баландсуръат дар самти «Душанбе-Кӯлоб-Дарвоз-Рӯшон-Хоруғ-Қулма» амалӣ мегардад.
Бо мақсади ҳарчи зудтар анҷом додани пайвасти мустақими шабакаҳои телекоммуникатсионии Ҷумҳурии Тоҷикистон бо шабакаҳои телекоммуникатсионии Ҷумҳурии Мардумии Чин корҳои корҳои амалӣ босуръат идома доранд.
Бояд гуфт, ки ин амал боиси ташкили хатҳои алоқаи нахию нурии баландсуръати байналмилалии иловагӣ барои пайваст шудан бо шабакаҳои глобалии Интернет мегардад. Инчунин аҳамият ва иқтидори транзитии шабакаҳои телекоммуникатсионии ҷумҳуриро боло бурда, бунбасти коммуникатсиониро аз байн мебарад.
Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Хадамоти алоқа дар шоҳроҳҳои магистралии автомобилгарди сохташаванда ноқили нахию нурии алоқаи барқӣ насб менамояд.
Дар ин хусус байни Хадамоти алоқаи назди Ҳукумати Ҷумҳурии Тоҷикистон ва Вазорати нақлиёти Ҷумҳурии Тоҷикистон тафоҳум оид ба насби ноқили нахию нурии алоқаи барқӣ дар шоҳроҳҳои магистралии автомобилгарди сохташаванда ба даст омадааст.
Ин тафоҳум имкон медиҳад, ки шоҳроҳҳои магистралӣ ва минтақаҳои дурдаст бо алоқаи барқӣ, аз ҷумла алоқаи мобилӣ таъмин гарданд.
Дар баробари ин, бо насби ноқили нахию нурии алоқаи барқӣ дар ин гуна роҳҳо дараҷаи эътимоднокии хатҳои алоқаи барқии магистралии байнишаҳрию байналмилалӣ боло бурда мешавад.
София ШОИК,
АМИТ «Ховар»
АКС: Хадамоти алоқаи назди Ҳукумати Ҷумҳурии Тоҷикистон
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
