Тоҷикистон ба лоиҳаи «Агроэкспресс» пайваст мегардад
ДУШАНБЕ, 26.11.2023. /АМИТ «Ховар»/. Тоҷикистон ба лоиҳаи «Агроэкспресс» пайваст мешавад. Пайвастани ҷумҳурӣ ба лоиҳаи мазкур метавонад муҳлати таҳвили маҳсулоти зудвайроншавандаро суръат бахшад ва хатари омилҳои ба сифати мол таъсиррасонро коҳиш диҳад. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
Бояд гуфт, ки бо ёрии лоиҳаи «Агроэкспресс» аз Федератсияи Русия асосан гӯшт, моҳӣ, маҳсулоти ширӣ, сабзавоти тару тоза, меваю гиёҳ ва дигар маҳсулоти зудвайроншаванда бештар ба Ҷумҳурии Мардумии Чин, кишварҳои Осиёи Марказӣ ва дигар давлатҳои ҷаҳон интиқол дода мешаванд. Муҳлати интиқоли мол 5-7 рўзро дар бар мегирад.
Тоҷикистон бо пайвастшавӣ ба ин лоиҳа метавонад дар интиқоли маҳсулоти босифати кишоварзӣ ба хориҷи мамлакат, ки талабгорони зиёд дорад, муваффақ гардад. Ин тарзи кор барои беталаф ва босифат то суроғаи даркорӣ расидани маҳсулоти деҳқонони тоҷик, ки асосан меваю сабзавотро ташкил медиҳад, кумак мерасонад.
Ёдовар мешавем, ки 21 ноябри соли равон дар Қасри Кремли Москва дар натиҷаи мулоқоту гуфтушунидҳои сатҳи олии Тоҷикистон ва Русия дар ҳузури сарони давлатҳо- муҳтарам Эмомалӣ Раҳмон ва муҳтарам Владимир Путин 8 санади нави ҳамкорӣ ба имзо расиданд, ки яке аз он Ёддошти тафоҳум байни Вазорати нақлиёти Ҷумҳурии Тоҷикистон ва Вазорати нақлиёти Федератсияи Русия дар бораи рушди ҳамкорӣ дар тайёр намудан ва бозомӯзии мутахассисони соҳаи нақлиёт ва Нақшаи амали ҳамкорӣ («Харитаи роҳ») дар ин соҳа байни ду давлат барои солҳои 2023-2025 буд.
Тибқи Нақшаи амали ҳамкорӣ («Харитаи роҳ») дар соҳаи нақлиёт байни Ҷумҳурии Тоҷикистон ва Федератсияи Русия барои солҳои 2023-2025 имконияти пайвастшавии Тоҷикистон ба лоиҳаи «Агроэкспресс» мавриди баррасӣ қарор дода мешавад. Ин хидматрасонии махсус ҷиҳати ташкили интиқоли босуръати контейнерҳо тавассути роҳи оҳан мебошад. Лоиҳа аз ҷониби ҶСК «Роҳҳои оҳани Русия» ва Маркази содиротии Русия (РЭЦ) амалӣ мешавад. Он имкон медиҳад, ки борҳои маҷмааи агросаноатӣ ба Туркия, давлатҳои ИДМ ва Чин интиқол дода шаванд.
АКС: манбаъҳои боз
Соҳибкорони Чин бо фаъолияти Минтақаи озоди иқтисодии «Суғд» шинос гардиданд
Кишоварзони шаҳри Панҷакент ба кишти барвақтии картошка оғоз намуданд
Дар шаҳри Левакант пойгоҳҳои обкашӣ ба мавсими кишту кор омода мебошанд
Хатти интиқоли барқи 500 кВ байни Тоҷикистон ва Қирғизистон ба истифода дода мешавад
Дар Душанбе дар мавзуи «Баробарӣ ва тавонмандсозии гендерӣ: дурнамои рушди муосир» ҳамоиш баргузор гардид
Тақвияти ҳамкории Тоҷикистон бо Иттиҳоди Аврупо дар соҳаи энергетика ва захираҳои об баррасӣ шуд
Дар рӯзҳои таҷлили Наврӯз дар Душанбе Форуми байналмилалии заргарӣ ва Намоишгоҳи Тоҷикистон баргузор мегардад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардиданд
Дар вилояти Хатлон кишти пунбадона оғоз гардид
15 март — Рӯзи байналмилалии ҳимояи ҳуқуқи истеъмолкунандагон. Дар бозорҳои истеъмолӣ 35 тонна маҳсулоти бесифат нобуд карда шуд
Дар Душанбе татбиқи лоиҳаҳо вобаста ба маблағгузории «сабз» баррасӣ гардид
Дар масири Душанбе-Бишкек нахустин парвози мустақим анҷом дода шуд
