«ТОҶИКОНА МЕПӮШЕМ!». Дар Донишгоҳи давлатии Кӯлоб ҳамоиши тарғиботии либоси миллӣ баргузор шуд

КӮЛОБ, 02.11.2023. /АМИТ «Ховар»/. Имрӯз дар  Донишгоҳи давлатии Кӯлоб ба номи Абуабдуллоҳи Рӯдакӣ ҳамоиши тарғиботиву ташвиқотии либоси миллӣ таҳти унвони «Тоҷикона мепӯшем!» баргузор гардид, хабар медиҳад мухбири минтақавии АМИТ «Ховар» Сулаймон Холзода.

Дар ҳамоиш ҳайати васеи омӯзгорзанон ва донишҷӯдухтарон иштирок намуда, байни дигар донишҷӯён варақаҳои маълумотӣ тақсим намуданд.

Ҳар миллат соҳиби таърих, забон, фарҳанги миллӣ, арзишҳо ва муқаддасоти худ мебошад, ки дар арсаи байналмилалӣ бо ин нишонаҳо муаррифӣ мешавад. Дар радифи ин арзишҳо либоси миллӣ низ муарриф ва баёнгари фарҳанги миллии халқи тоҷик мебошад.

Бояд гуфт, ки ба арсаи чаҳонӣ баровардани ҳунарҳои мардумӣ, аз ҷумла либоси зебои миллӣ – атласу адрас ва чакан ҳамчун сарвати нодир ва бебаҳои зеҳнии мардуми тоҷик бо шарофати сиёсати хирадмандона ва табъу завқи баланд, оянданигарии поянда ва меҳанпарастии беҳамтои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад.

АКС: Донишгоҳи давлатии Кӯлоб ба номи Абуабдуллоҳи Рӯдакӣ