Бахтиёр Маҳмадалӣ: «Дар Паёми Президенти Тоҷикистон ба Маҷлиси Олӣ баён гардид, ки то соли 2037 партови газҳои гулхонаӣ дар мамлакат то ду маротиба кам мешавад»
ДУШАНБЕ, 28.12.2023 /АМИТ «Ховар»/. Имрӯз, 28 декабр дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» доир ба баланд бардоштани сатҳу сифати омӯзиш, ҷустуҷӯ, иктишоф ва барои истифодаи саноатӣ омода намудани конҳои канданиҳои фоиданок дар назди масъулини соҳаи геологияи мамлакат мақсаду вазифаҳои нав гузошта шуданд.
Бояд таъкид намуд, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ба Саридораи геологияи назди Ҳукумати Ҷумҳурии Тоҷикистон дастур дода шуд, ки бо истифода аз натиҷаҳои бадастомадаи муҳандисию геологӣ ва бо нишон додани минтақаҳое, ки зери таъсири омилҳои хатарноки табиӣ қарор доранд, Харитаи (атласи) равандҳои экзогению геологии ҷумҳуриро таҳия ва ба Ҳукумати мамлакат пешниҳод намоянд.
«Мақсади таҳияи атласи ҷуғрофиро Сарвари давлат барои истеҳсоли энергияи «сабз», рушди иқтисоди «сабз» ва паст намудани партови газҳои гулхонаӣ муҳим арзёбӣ намуда, ҳамчунин зарур шумориданд, ки дар самти сармоягузории давлатӣ ва рақамикунонии ҳифзи муҳити зист тадбирҳои иловагӣ амалӣ шаванд. Инчунин таъкид гардид, ки то соли 2037 партови газҳои гулхонаӣ дар мамлакат то ду маротиба кам мешавад», — иброз дошт ректори Донишкадаи кӯҳию металлургии Тоҷикистон Бахтиёр Маҳмадалӣ.
Ба гуфти ҳамсуҳбати мо, Президенти Ҷумҳурии Тоҷикистон дар бораи самти рушди геология изҳор доштанд, ки бояд бо маблағгузории мақсаднок ба ин соҳа ва ҷалби мутахассисони давлатҳои хориҷӣ ва тараққиёфта мутахассисони маҳаллӣ омода шаванд.
«Пеш аз ҳама, ин ба иктишоф ва таҳқиқи иқтидори канданиҳои фоиданок, ки дар ҷумҳурӣ мавҷуд мебошанд, равона шудааст, то солҳои наздик ба ҳадафи чоруми стратегӣ- саноатикунонии мамлакат ноил гардем», — гуфт Бахтиёр Маҳмадалӣ.
АКС: Президенти Ҷумҳурии Тоҷикистон /АМИТ «Ховар»
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
