Бо мусоидати Шурои кории Тоҷикистон ва Русия дар ҷумҳурӣ беш аз 400 корхона бо сармояи Русия муваффақона фаъолият доранд
ДУШАНБЕ, 19.12.2023 /АМИТ «Ховар»/. Дар айни замон дар Тоҷикистон бо мусоидати Шурои кории Тоҷикистон ва Русия беш аз 400 корхона бо сармояи ширкатҳои Русия муваффақона фаъолият доранд. Ин нукта дар ҷаласаи солонаи Шурои кории Тоҷикистон ва Русия, ки ба таври маҷозӣ бо иштироки Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода, муовини вазири рушди иқтисоди Федератсияи Русия Дмитрий Волвач ва раиси Шурои кории Тоҷикистон ва Русия Ислам Назаралиев баргузор гардид, таъкид шуд.
АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад, ки дар ҷаласаи солонаи Шурои кории Тоҷикистон ва Русия инчунин роҳбарони намояндагони бахши хусусии ҳарду ҷониб иштирок намуданд.
Дар ҷаласа аз ҷониби намояндагони мақомоти давлатии Тоҷикистон ва Русия имконияти ҳамкории ду давлат дар бахшҳои гуногуни иқтисодиёт баррасӣ шуд. Инчунин аз ҷониби доираҳои бахши хусусӣ лоиҳаҳои мушаххаси ҳамкорӣ дар соҳаҳои саноат, энергетика, технологияҳои иттилоотӣ ва шаҳри ҳушманд муаррифӣ гардиданд.
Иброз гардид, ки байни Тоҷикистон ва Русия иқтидори истифоданашуда вуҷуд дорад ва мо омодаем дар соҳаи маблағгузории лоиҳаҳо ба таври муштарак кор барем.
Дар анҷом аз иштирокдорони Шурои корӣ даъват шуд, ки ба амалишавии лоиҳаҳои сармоягузорию тиҷоратӣ ва ташкили корхонаҳои муштарак таваҷҷуҳ зоҳир намоянд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
