Дар Душанбе ҷаласаи ҳаштуми гурӯҳи коршиносони минтақавӣ оид ба беҳдошти устуворӣ ба офатҳои табиӣ ба анҷом расид

Декабрь 8, 2023 18:00

ДУШАНБЕ, 08.12.2023 /АМИТ «Ховар»/. Тавре қаблан хабар додем, имрӯз ҷаласаи ҳаштуми гурӯҳи коршиносони минтақавӣ таҳти унвони «Беҳдошти устуворӣ ба офатҳои табиӣ: истифодаи маълумот, технология ва сиёсат барои ояндаи бехатар» ба охир расид. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.

Ин ҷаласа бо мақсади муколамаи созанда, табодули иттилоот ва таҷриба, баррасии вазъ дар минтақа ва муайян намудани мушкилоти асосӣ дар давраи афзоиши таъсири тағйирёбии иқлим, зуд-зуд рух додани ҳодисаҳои фавқулодаи обу ҳаво ва ҳодисаҳои иқлимӣ, ки ба рушди иктисодиёт ва хоҷагии халқи тамоми мамлакатҳо зарар расонида, ҳаёту некуаҳволии аҳолиро зери хатари ҷиддӣ мегузоранд, баргузор гардид.

Раиси Кумитаи ҳолатҳои фавқулода ва мудофиаи гражданӣ Рустам Назарзода ба таъсири манфии тағйирёбии иқлим таваҷҷуҳ зоҳир намуда, иброз дошт, ки чунонки коршиносони Созмони ҷаҳонии обуҳавошиносӣ ҳадс мезананд, гармшавии ғайримуқаррарии ҳарорати ҳаво дар Осиё аз сатҳи миёнаи ҷаҳон баландтар мушоҳида мешавад. Оқибатҳои манфии ин раванд, аз қабили хушксолӣ, обхезӣ, ярч ва сӯхтор дар минтақаҳои гуногуни ҷаҳон, аз ҷумла Тоҷикистон падидаи хеле нигаронкунанда буда, боиси талафоти ҷонӣ ва хисорот мешаванд.

«Боварӣ дорам, ки вохӯрии мо майдоне хоҳад шуд, ки ба мамлакатҳои мо имкон медиҳад, то ба ҳадафҳои глобалии коҳиши хатари офатҳои табиӣ ноил шаванд», — таъкид дошт ӯ.

Дар чорабинӣ ба масъалаҳои ҳамкории байналмилалӣ дар соҳаи коҳиши хатари офатҳои табиӣ таваҷҷуҳ зоҳир гардид.

Қарор шуд, ки нишасти навбатӣ соли 2024 дар Теҳрон баргузор шавад.

АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон

 

Декабрь 8, 2023 18:00

Хабарҳои дигари ин бахш

ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
ОГОҲӢ. Дар Тоҷикистон то 4 март хатари лағзиши тарма боқӣ мемонад
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!