Дар Душанбе ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ доир гардид
ДУШАНБЕ, 19.12.2023 /АМИТ «Ховар»/. Бо мақсади иҷрои қарори Ҳукумати Ҷумҳурии Тоҷикистон «Дар бораи Нақшаи чорабиниҳо оид ба пешгирии таъсири хавфҳои эҳтимолӣ ба иқтисодиёти миллӣ» дар Вазорати рушди иқтисод ва савдои ҷумҳурӣ ҷаласаи навбатии Ситоди байниидоравӣ оид ба ҳамоҳангсозии амалишавии сиёсати макроиқтисодӣ ва пешгирии таъсири хавфҳои эҳтимолӣ ба иқтисодиёти миллӣ баргузор гардид. Дар ин хусус ба АМИТ «Ховар» дар Вазорати рушди иқтисод ва савдо хабар доданд.
Дар ҷаласа иброз гардид, ки дар натиҷаи андешидани тадбирҳои зарурӣ дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон новобаста ба таъсири омилҳои берунӣ устувории нишондиҳандаҳои макроиқтисодӣ таъмин гардида, дар 10 моҳи соли 2023 ҳаҷми маҷмуи маҳсулоти дохилӣ 104,7 млрд сомонӣ ва рушди воқеии он 8,3 фоизро ташкил намуд.
Дар доираи ҷаласа мавзуи муҳим- ‹‹Пешгирии болоравии беасоси нархҳои молу маҳсулоти аз ҷиҳати иҷтимоӣ зарурӣ» баррасӣ гардид. Таъкид шуд, ки аз ҷониби Хадамоти зиддиинҳисорӣ давоми соли 2023 якчанд тадбирҳои зарурӣ бо мақсади пешгирии беасоси нархи молу маҳсулоти аз ҷиҳати иҷтимоӣ зарурӣ андешида шудаанд. Бахусус ҷаласаҳо бо роҳбарият ва аъзои Ташкилоти ҷамъиятии «Ассотсиатсияи воридкунандагон ва коркардкунандагони ғалла ва маҳсулоти ғалладонагӣ», Ассотсиатсияи «Воридкунандагони маҳсулоти нафтӣ ва гази моеъ», воридкунандагон ва истеҳсолкунандагони маҳсулоти гандум, орд, равған, шакар ва маҳсулоти нафтӣ баргузор гардида, бо мақсади муътадил нигоҳ доштани нархи молу маҳсулоти аз ҷиҳати иҷтимоӣ зарурӣ тавсияҳои дахлдор дода шуданд.
Ҳамзамон изҳор гардид, ки бо мақсади танзими бозори маҳсулоти мавриди ниёзи аввал фармоиши Хадамоти зиддиинҳисорӣ аз 28 сентябри соли 2023 «Дар бораи муқаррар намудани сатҳи ниҳоии даромаднокӣ ба номгӯйи мол ва маҳсулоти аз ҷиҳати иҷтимоӣ зарурӣ, ки нархҳояшон таҳти танзими давлатӣ қарор дода мешаванд» тасдиқ гардида, дар доираи он сатҳи ниҳоии даромаднокӣ дар корхонаҳои коркарди гандум, ки фаъолияти онҳо ба истеҳсол ва фурӯши орд вобаста аст, то 10 фоиз муқаррар шудааст.
Дар ҷаласа аз рӯйи натиҷаи баррасии масъала қарорҳои дахлдор қабул шуданд, ки ба Ҳукумати Ҷумҳурии Тоҷикистон дар шакли гузориши муфассал ирсол мешаванд.
АКС: Вазорати рушди иқтисод ва савдои Ҷумҳурии Тоҷикистон
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
