Дар Куала Лумпур роҳбарони мақомоти омори Тоҷикистон ва Малайзия ҳамкориро баррасӣ намуданд
ДУШАНБЕ, 14.12.2023 /АМИТ «Ховар»/. Мақомоти омори Тоҷикистон ва Малайзия ҳамкориро тақвият мебахшанд. Ин дар ҳолест, ки 14 декабри соли равон дар пойтахти Малайзия — шаҳри Куала Лумпур вохӯрии директори Агентии омори назди Президенти Ҷумҳурии Тоҷикистон Ҷамшед Нурмаҳмадзода бо роҳбари мақомоти омори Ҳукумати Малайзия Моҳд Узир Маҳидин баргузор шуд. Дар ин хусус АМИТ «Ховар» бо истинод ба Агентии омори назди Президенти Ҷумҳурии Тоҷикистон иттилоъ медиҳад.
Тибқи иттилои манбаъ, вохӯрӣ дар ҳошияи ҷаласаи 19-уми Шўрои роҳбарикунандаи Донишкадаи омори Созмони Милали Муттаҳид барои давлатҳои Осиё ва Уқёнуси Ором, ки дар шаҳри Куала Лумпури Ҷумҳурии Малайзия баргузор гардида истодааст, доир шуд.
Дар вохӯрӣ масъалаҳои оғози ҳамкории дуҷониба байни мақомоти омори Ҷумҳурии Тоҷикистон ва Ҳукумати Малайзия, табодули таҷриба дар самти ҷамъоварӣ, таҳлил ва паҳнкунии маълумоти оморӣ, фаро гирифтани мутахассисон барои омӯзиш дар Маркази омӯзишии омори Малайзия ва дигар масъалаҳои судманд баррасӣ гардиданд
Ҷонибҳо ба хулосае омаданд, ки аз рӯи тартиботи муайянгардида, ҷиҳати расмӣ намудани ҳамкорӣ, меморандум оид ба ҳамкории дуҷониба ба имзо расонанд.
Мавриди тазаккур аст, ки дар ин сафар вохӯрии директори Агентии омори назди Президенти Ҷумҳурии Тоҷикистон бо роҳбарони мақомоти омори дигар давлатҳо ва намояндагони ташкилотҳои байналмилалӣ дар назар дошта шудааст.
АКС: Агентии омори назди Президенти Ҷумҳурии Тоҷикистон
Президенти Тоҷикистон: «Дар 25 соли охир ба рушди иқтисоди мамлакат 760 миллиард сомонӣ сармоя равона гардидааст»
Дар хиёбони Саъдии Шерозии шаҳри Душанбе сохтмони як гузаргоҳ ва як пули мошингард оғоз меёбад
Султон Раҳимзода: «Тоҷикистон ба марҳилаи нави рушди шарикии давлат ва бахши хусусӣ ворид мешавад»
Дар Душанбе ғолибони Озмуни ҷумҳуриявии «Соҳибкори сол – 2026» бо ҷоизаҳо қадрдонӣ карда шуданд
Густариши фаъолияти Корпоратсияи байналмилалии молиявӣ дар Тоҷикистон баррасӣ гардид
Дар Ҷумҳурии Тоҷикистон шумораи соҳибкорзанони фаъол ба 110 ҳазор нафар расид
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Маҷмуи маҳсулоти дохилии Вилояти Мухтори Кӯҳистони Бадахшон дар нуҳ моҳ ба 1,5 миллиард сомонӣ расонида шуд
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Дар Форуми ҷаҳонии озуқаворӣ имконоти соҳаи кишоварзии Тоҷикистон муаррифӣ гардид
MADE IN TAJIKISTAN. Дар доираи Форуми соҳибкории «Тоҷикистон, ба пеш!» маҳсулоти истеҳсоли ватанӣ муаррифӣ гардид
14 ОКТЯБР–РӮЗИ СОҲИБКОРОН. Соҳибкорон неруи бузургу пешбарандаи иқтисодиёти Тоҷикистон мебошанд
