Дар Москва ҷаласаи Комиссияи байниҳукуматӣ оид ба ҳамкории иқтисодӣ байни Ҷумҳурии Тоҷикистон ва Федератсияи Русия баргузор гардид
ДУШАНБЕ, 19.12.2023 /АМИТ «Ховар»/. Дар шаҳри Москва ҷаласаи Комиссияи байниҳукуматӣ оид ба ҳамкории иқтисодӣ байни Ҷумҳурии Тоҷикистон ва Федератсияи Русия бо иштироки Сарвазири Ҷумҳурии Тоҷикистон Қоҳир Расулзода ва муовини Раиси Ҳукумати Русия Марат Хуснуллин баргузор гардид.
Дар ҷаласа самтҳои муҳими робитаҳои дуҷониба баррасӣ гардида, нақшаи ҳамкорӣ дар доираи Комиссияи байниҳукуматӣ барои соли 24 тарҳрезӣ карда шуд. Тарафҳо доир ба масъалаҳое, ки ҳалли таъҷилӣ талаб менамоянд, изҳори омодагӣ намуданд.
Таъкид гардид, ки ҷониби Тоҷикистон ба густариши ҳамкории стратегӣ бо Русия дар тамоми самтҳои афзалиятнок манфиатдор буда, омода аст, ки минбаъд низ барои рушди ҳамкории муназзами байниҳукуматӣ тадбирҳои зарурӣ андешад.
Дар ҷараёни мулоқот санадҳои нави Комиссияи байниҳукуматӣ, аз ҷумла Протокол оид ба фаъолияти муштараки Комиссияи байниҳукуматӣ оид ба ҳамкории иқтисодӣ байни Ҷумҳурии Тоҷикистон ва Федератсияи Русия ба имзо расид.
Ҳамчунин доир ба шароити сохтмон ва фаъолияти маркази таълимии кӯдакони лаёқатманд ва Театри драмавии ба номи Владимир Маяковский дар Душанбе созишномаҳои байниҳукуматӣ имзо карда шуд.
АКС: Ҳукумати Федератсияи Русия
ДЕҲОТИ РАҚАМӢ. Лоиҳа бо мақсади беҳтар намудани дастрасии интернет ва алоқаи мобилӣ дар минтақаҳои Тоҷикистон амалӣ мешавад
Дар Душанбе татбиқи «Барномаи рушди таҳвилгарон ва содирот» расман оғоз гардид
Дар комплекси сайёҳии Шаҳристон — эко резорт ба масофаи зиёда аз 5 километр таноброҳ сохта мешавад
Соли равон фурудгоҳҳои байналмилалии Тоҷикистон ба зиёда аз 1,5 миллион мусофир хизмат расонидаанд
Ҳоким Холиқзода бо Сафири нави Арабистони Саудӣ дурнамои ҳамкориро баррасӣ намуд
НИШАСТИ МАТБУОТӢ. Дар 65 шаҳру ноҳияи Тоҷикистон пойгоҳои базавии стандартӣ 5G насб карда мешавад
Дар Душанбе ҷаласаи дуюми Шурои кории Тоҷикистону Туркманистон баргузор гардид
НИШАСТИ МАТБУОТӢ. Соли равон тавассути ҳама намуди нақлиёт беш аз 76 миллион тонна бор ва 552 миллион мусофир интиқол дода шуд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
