Дар ноҳияи Фархор барои обёрӣ намудани заминҳо панҷ пойгоҳи обкашӣ фаъолият менамоянд
ФАРХОР, 17.12.2023. /АМИТ «Ховар»/. Дар ноҳияи Фархор барои обёрӣ намудани заминҳои кишоварзӣ ва тоза намудани заҳбуру заҳкашҳо ҷиҳати омода намудани онҳо ба мавсими обёрӣ корҳо бо маром идома доранд, хабар медиҳад мухбири минтақавии АМИТ «Ховар» Сулаймон Холзода.
Аз ҷониби кормандони Идораи давлатии беҳдошти замин ва обёрии ноҳияи Фархор дар ҷӯйбори обрасони пойгоҳҳои обкашии мавзеъҳои Уртабуз, воқеъ дар деҳаи Саиди ноҳияи Фархор корҳои тозакунии ҷӯйбор идома дошта, қисмати зиёди корҳо дар ин самт аллакай ба анҷом расидаанд.
Тавре сардори Идораи давлатии беҳдошти замин ва обёрии ноҳия Абдуллохон Ҳусайнов иброз дошт, «то охири моҳи декабр бояд ин наҳри обрасонро пурра тоза намоем ва имрӯз чӣ дар мавзеи пойгоҳи обкашӣ ва чӣ дар ҷамоатҳои деҳоти ноҳия тозакунии наҳру ҷӯйборҳо идома дорад. Мо гуфта метавонем, ки соли 2024 хоҷагиҳои деҳқонии ноҳияи Фархорро пурра бо оби полезӣ таъмин менамоем».
Барои обёрӣ намудани заминҳои корами обӣ дар ноҳияи Фархор панҷ пойгоҳи обкашӣ амал менамоянд, ки заминҳои кишоварзиро обёрӣ менамоянд. Ҳолати кории пойгоҳҳои обкаши тибқи иттилои масъулин, пайваста таҳти назорат қарор дошта, иншоот ба мавсими нави обёрӣ пурра омода мебошанд.
АКС: АМИТ «Ховар»
Истиқлоли давлатӣ — асоси хушбахтӣ ва рушди давлатдории миллӣ
Имрӯз дар шаҳри Душанбе ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
