Имрӯз дар Тоҷикистон ҳарорат то 2 дараҷа паст мефарояд

ДУШАНБЕ, 07.12.2023 /АМИТ «Ховар»/. Имрӯз дар Тоҷикистон ҳавои камабри бебориш пешгӯӣ шуда, дар баъзе ноҳияҳо чангу ғубори суст боқӣ мемонад. Ҳарорат рӯзона 15+19 дараҷаро ташкил медиҳад. Чунин вазъи обу ҳаво то охири ҳафта идома меёбад. Дар ин хусус АМИТ «Ховар» бо истинод ба Агентии обуҳавошиносии ҷумҳурӣ хабар медиҳад.

Дар Вилояти Мухтори Кӯҳистони Бадахшон ҳаво тағйирёбандаи бебориш  мешавад. Шамол аз самти шарқ бо суръати 5-10 метр дар як сония мевазад. Ҳаво дар ғарб шабона аз 5-10 дараҷа хунук, рӯзона 7+12 дараҷа гарм, дар шарқ шабона 20-25 дараҷа хунук, рӯзона 2-7 дараҷа хунук мешавад.

Дар вилояти Суғд ҳавои тағйирёбандаи бебориш пешгӯӣ шуда, дар баъзе ноҳияҳо туман мефарояд. Шамол аз самти шарқ бо суръати 4-9 метр дар як сония мевазад. Ҳаво дар водиҳо шабона 1+6 дараҷа, рӯзона 7+12 дараҷа, дар ноҳияҳои кӯҳӣ шабона 1-6 дараҷа хунук ва рӯзона 6+11 дараҷа гарм мешавад.

Дар вилояти Хатлон ҳавои камабри бебориш  мешавад. Шамол аз самти шарқ бо суръати  4-9 метр дар як сония вазида, дар баъзе ноҳияҳо чангу ғубори суст боқӣ мемонад. Ҳаво дар водиҳо шабона 1+6, рӯзона 15+20, дар доманакӯҳҳо шабона 2+7 ва рӯзона 14+19 дараҷа гарм мешавад.

Дар ноҳияҳои тобеи ҷумҳурӣ ҳавои тағйирёбандаи бебориш дар назар аст. Шамол аз самти шарқ бо суръати 4-9 метр дар як сония вазида, чангу ғубори суст боқӣ мемонад. Ҳаво дар водиҳо шабона 0+5 дараҷа, рӯзона 15+20 дараҷа, дар ноҳияҳои кӯҳӣ ҳаво шабона 2-7 дараҷа ва рӯзона 10+15 дараҷа гарм мешавад.

Дар Душанбе шабона ҳавои камабри бебориш дар назар дошта шудааст. Шамол аз самти шарқ  бо суръати 4-9 метр дар як сония мевазад. Ҳаво шабона 1+3 ва рӯзона 13+15 дараҷа гарм мешавад.