Мегафон Тоҷикистон: акнун сӣ «Устоди алоқа»!

ДУШАНБЕ, 21.09.2026 /АМИТ «Ховар»/. Ду корманди ширкати «МегаФон Тоҷикистон» ба унвони олии касбии «Устоди алоқа» мушарраф шуданд. Боз ду корманди дигари ширкат аз Хадамоти алоқаи назди Ҳукумати Ҷумҳурии Тоҷикистон Ифтихорнома  гирифтанд.

Роҳбари шуъбаи корбурди шабакаи пойгоҳӣ Комрон Гадоев ва роҳбари шуъбаи корбурд ва таъминоти барқ сазовори унвони Сӯҳроб Шохӯҷаев «Устоди алоқа» гардиданд. Ҳар ду ду даҳсоларо ба кор дар ширкати «МегаФон Тоҷикистон» бахшидаанд. Онҳо ин унвони фахриро барои саҳми назаррас дар рушди соҳа ва таъмини фаъолияти боэътимоди инфрасохтори телекоммуникатсионӣ ба даст оварданд.

Дорандагони Ифтихорномаи Хадамоти алоқа низ собиқаи назарраси корӣ доранд. Роҳбари шуъбаи фурӯшҳои корпоративӣ Абубакр Юсупов ва роҳбари шуъбаи банақшагирии шабакаҳои магистралӣ ва иншооти кабелӣ-хаттӣ Ҷамшед Назиров аз ҷумлаи чунин нафарон мебошанд.

«Моҳи сентябр мо ду солгарди идонаро ҷашн мегирем: 35-солагии Истиқлоли Ҷумҳурии Тоҷикистон ва 25-солагии таъсиси ширкат. Хурсандиовар аст, ки дар ин рӯзҳои мутантан мутахассисони пешбари мо бо ҷоизаҳои бонуфузи соҳавӣ қадрдонӣ карда шуданд. Ҳоло ҳайати кормандони мо сӣ «Устоди алоқа»-ро дар бар гирифта, яке аз қавитарин дастаҳои касбӣ дар соҳаи телекоммуникатсия маҳсуб мешавад!», — шарҳ медиҳад Анатолий Изюмников, директори генералии ширкати «МегаФон Тоҷикистон».

АКС: ширкати МегаФон Тоҷикистон