Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Арабии Миср Абдулфаттоҳ ас-Сисӣ барқияи шодбошӣ ирсол намуданд
ДУШАНБЕ, 19.12.2023. /АМИТ «Ховар»/. 19 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Ҷумҳурии Арабии Миср муҳтарам Абдулфаттоҳ ас-Сисӣ барқияи шодбошӣ ирсол намуданд, ки дар он гуфта мешавад:
«Ҷаноби Олӣ,
Шуморо бо пирӯзии баҳснопазиратон дар интихоботи Президенти Ҷумҳурии Арабии Миср сидқан табрику муборакбод менамоям. Лутфан, таманниёти самимии инҷонибро ба ин муносибат бипазиред.
Натиҷаҳои ин интихобот боз як далели эътимоди баланди ҷомеа ба фаъолияти давлатии Шумо, обрӯву эътибори муътабари сиёсиатон буда, намунаи барҷастаи дастгирӣ ёфтани сиёсати давлатиатон аз ҷониби мардуми Миср мебошад, ки ба рушди бемайлони кишвар ва таҳкими мавқеи он дар арсаи байналмилалӣ нигаронда шудааст. Бовар дорам, ки тайи давраи пешомад Шумо дар роҳи идораи муваффақи Мисри ба мо дӯст ба дастовардҳои навин ноил хоҳед гардид.
Густариши ҳамаҷонибаи муносибатҳои дӯстӣ ва ҳамкорӣ бо Миср рукни муҳими сиёсати хориҷии давлати моро ташкил медиҳад.
Итминон дорам, ки мо бо амалҳои муштараки пайваста ҳамкории созандаи Тоҷикистон ва Мисрро дар оянда низ босамар пеш бурда, онро мутобиқ бо манфиатҳои аслии мардумонамон бо мазмуну мӯҳтавои нав ғанӣ хоҳем гардонид.
Омодагии инҷонибро ҷиҳати талошҳои минбаъда дар ин ҷода таъкид намуда, аз Шумо, ҷаноби Президент, ҷиҳати анҷом додани боздид аз Тоҷикистон дар фурсати бароятон муносиб муҷаддадан даъват ба амал меорам.
Бо камоли самимият ба Шумо сиҳатмандии бардавом ва дар фаъолияти сермасъули давлатиатон комёбиҳои нави бузург, ба мардуми бародари Миср сулҳу некӯаҳволӣ ва шукуфоии пойдор орзу менамоям».
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
Пешвои миллат Эмомалӣ Раҳмон бо роҳбарон ва фаъолони вилояти Суғд мулоқот намуданд
Сарвари давлат Эмомалӣ Раҳмон бинои маъмурии Кумитаи иҷроияи Ҳизби Халқии Демократии Тоҷикистонро дар ноҳияи Ҷаббор Расулов мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷаббор Расулов ба таври фосилавӣ 6 иншооти истеҳсолию хизматрасониро ба истифода доданд
Пешвои миллат Эмомалӣ Раҳмон дар ноҳияи Ҷаббор Расулов бинои нави Шуъбаи маорифи ноҳияро ба истифода доданд
