Сокинони деҳаи Дӯстии ноҳияи Ховалинг бо оби нӯшокӣ таъмин шуданд

Декабрь 10, 2023 09:48

 ХОВАЛИНГ, 10.12.2023. /АМИТ «Ховар»/. Сокинони деҳаи Дӯстии Ҷамоати деҳоти Ғаффор Мирзои ноҳияи Ховалинг бо оби ошомиданӣ таъмин карда  шуданд, хабар медиҳад мухбири минтақавии АМИТ «Ховар» Сулаймон Холзода.

Дар партави дастуру ҳидоятҳои созандаи Пешвои миллат муҳтарам Эмомалӣ Раҳмон , бо ибтикори мақомоти иҷроияи ҳокимияти давлатии ноҳия ва саҳми шарикони рушд ба воситаи Лоиҳаи идоракунии оби бехатари ошомиданӣ ва беҳдошт дар Тоҷикистон аз ҷониби Барномаи ҷонибдории инкишофи иҷтимоии манотиқи кӯҳистон чоҳи амудӣ бо чуқурии 100 метр ва қубури ғунҷоишаш 219 мм об бароварда шуд. Он тавассути пойгоҳи обкашӣ ба қисмати болои деҳа ба масоҳати 970 метр бароварда шуда, ба ҳавзи махсуси сохташуда мерезад ва пас ба поён, ба деҳа интиқол дода мешавад.

Дар маҷмуъ ба 2095 метр хати магистралӣ бо фишори муътадил ва ба ҳавлии ҳар сокини деҳа хати об кашонида шудааст. Сокинони деҳа низ саҳми худро дар кашонидани хати оби нӯшокӣ гузоштанд.

Бо мақсади истифодаи сарфакоронаи он дар кӯчаҳо понздаҳ қуттии тақсимот бо ҳисобкунакҳо васл  шудааст. Чунин тарзи кор имкон фароҳам меорад, ки сокинон ба таври шабонарӯзӣ бо оби нӯшоки таъмин бошанд. Ҳамзамон дар инҷо як трансформатори аҳолида васл шудааст, ки ба таъмини барқи доимӣ мусоидат менамояд.

Лоиҳакаш ширкати «Тоҷиккомонпроект»-и шаҳри Душанбе буда, корҳои сохтмониро пудратчӣ- ширкати масъулияташ маҳдуди «Бузургон» ба уҳда дошт, ки  корҳоро бо сифати баланд ба анҷом расонидааст.

Деҳаи Дӯсти се километр аз маркази ноҳия дур буда, имкони кашонидани хати оби нӯшокӣ ба хонаҳои ҳар сокини деҳа мавҷуд набуд. То ин вақт дар деҳа ҳамагӣ се нуқтаи оби нӯшокӣ ҷорӣ буд, ки барои сокинон мушкилоти зиёд дошт. Инак 105 хоҷагӣ ва мактаби деҳа пурра бо об таъмин гардида, дар ҷойҳои ҷамъиятӣ низ ҷумакҳои обгирӣ васл шудаанд. Ҳамчунин дар назди бинои Муассисаи таълимии №26-и деҳа аз ҷониби ҳамин лоиҳа иншооти ёрирасон сохта, ба истифода дода шуд. Дар даҳ хонаи бошандагони деҳа низ чунин иншооти ёрирасон сохта шудааст, ки ҳадаф аз он беҳдошти саломатии сокинон мебошад.

Бояд гуфт, ки дар ноҳияи Ховалинг ба ифтихори ҷашни 35-солагии Истиқлолияти давлатии Ҷумҳурии Тоҷикистон бунёду навсозии беш аз 200 иншооти тайиноти гуногун ба нақша гирифта шудааст. Аз ин ҳисоб соли гузашта 30 иншоот ва давоми соли равон  33 иншоот ба истифода дода шуданд, дар 40 иншооти дигар корҳои сохтмонӣ бо маром идома доранд.

АКС: АМИТ «Ховар»

Декабрь 10, 2023 09:48

Хабарҳои дигари ин бахш

«НАМИРАМ АЗ ИН ПАС, КИ МАН ЗИНДААМ… ». Дар Панҷакент муҷассамаи Абулқосим Фирдавсӣ бо баландии 5,5 метр қомат меафрозад
Соли 2024 дар Бадахшон зиёда аз 40 корхонаи саноатӣ мавриди баҳрабардорӣ қарор дода мешавад
35-СОЛАГИИ ИСТИҚЛОЛИЯТИ ДАВЛАТӢ. Дар шаҳру ноҳияҳои вилояти Хатлон 6260 иншоот бунёду навсозӣ карда мешавад
Дар шаҳри Панҷакент толори арӯсӣ ва кошонаи ҳусн ифтитоҳ гардид
Дар ноҳияи Шоҳмансури шаҳри Душанбе 41 бинои баландошёна сохта ба истифода дода шуд
ОБОДОНӢ ДАР МАҲАЛ. Сокинони деҳаи Вамди ноҳияи Рӯшон соҳиби толори варзишӣ шуданд
НИШАСТИ МАТБУОТӢ. То соли 2026 дар ноҳияи Сино 24 корхонаи саноатӣ ба истифода дода мешавад
НИШАСТИ МАТБУОТӢ. То соли 2026 дар ноҳияи Рашт 21 корхонаю коргоҳи саноатӣ сохта мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фирдавсӣ 6 муассисаи таҳсилоти миёнаи умумӣ ва 10 муассисаи томактабӣ бунёд мешавад
КОРХОНАҲОИ БЕКОРХОБИДА ДАР СУҒД. Агар барои ба кор андохтани онҳо тадбир андешида нашавад, аз нав ба тавозуни ҳукумати маҳаллӣ баргардонда мешаванд
35-СОЛАГИИ ИСТИҚЛОЛИ ДАВЛАТӢ. Дар ноҳияи Шамсиддини Шоҳин сохтмони бинои нави шуъбаи маориф идома дорад
НИШАСТИ МАТБУОТӢ. Дар шаҳри Ваҳдат 808 иншооти гуногун бунёду навсозӣ мешавад