Дар Қазоқистон 67 нафар пас аз заминларза барои ёрии тиббӣ муроҷиат намудаанд

ДУШАНБЕ, 24.01.2024 /АМИТ «Ховар»/. Дар Қазоқистон пас аз заминларза 67 нафар барои ёрии тиббӣ ба беморхонаҳои шаҳри Алмаато муроҷиат намудаанд. Дар ин хусус хадамоти матбуоти шаҳрдорӣ иттилоъ додааст.

Дар байни зарардидагон 55 калонсол ва 12 кӯдак ҳаст.

Тибқи маълумоти Вазорати ҳолатҳои фавқулодаи Қазоқистон, 23 январ, соати 00:09 бо вақти Остона заминларза сабт гардидааст, ки маркази он дар  километри 264-уми самти ҷанубу шарқи шаҳри Алмаато, дар марзи Қирғизистон ва Чин воқеъ будааст.

Шиддати заминларза 6,7 балро ташкил додааст. Он дар шаҳри Остона ва вилоятҳои Алмато, Қазоқистони Шарқӣ, Жамбил, Жетисуск ва Қарағанда эҳсос шудааст.

АКС аз манбаъҳои боз